Hokim yordamchilari 1 yanvardan barcha mahallalarda faoliyatini boshlaydi. Ularning ishini samarali tashkil etish maqsadida joylarda vazirlik, markaziy idoralar va banklardan 1-3 nafardan mas’ul xodim biriktiriladi. Bosh vazir qabulxonalari va Tadbirkorlikni rivojlantirish agentligi negizida Mahallabay ishlash va tadbirkorlikni rivojlantirish agentligi tashkil etiladi.
«Kuni-kecha har bir mahallada tadbirkorlikni rivojlantirish, bandlikni ta’minlash va kambag‘allikni qisqartirish masalalari bo‘yicha hokim yordamchisi faoliyatini tashkil etish bo‘yicha farmonni imzoladim.
Hokim yordamchilari 1 yanvardan barcha mahallalarda (9 ming 251 ta) faoliyatini boshlaydi. Hokim yordamchilari faoliyatini samarali tashkil etish maqsadida, bir yil davomida doimiy faoliyat yuritadigan «Mahallabay ishlash shtabi» tuziladi.
Shuningdek, har bir tuman va shaharga vazirlik, markaziy idoralar va banklardan 1-3 nafardan mas’ul xodim biriktiriladi (mahallalar soni 50tagacha bo‘lsa – 1 nafar, 100tagacha – 2 nafar, 100tadan ortiq bo‘lsa – 3 nafar, jami 342 nafar)», degan davlat rahbari.
Ular 1 yilga tumanga xizmat safariga yuboriladi va ish joyi, oylik ish haqi saqlab qolinadi. Ushbu vakillar:
- hokim yordamchilarini o‘rgatadi va ular bilan birga, mahallaning TEOsini ishlab chiqadi;
- har kuni bittadan mahallani aylanib, kamida 10ta xonadonga kiradi, odamlar bilan uchrashib, prezident siyosatini tushuntiradi, mavjud muammolarni joyida hal qiladi. Har biri mahallani aylanib, nega svet o‘chyapti, nima uchun bolalar bekorchilikdan to‘planib turishibdi, qayerda bemor bor, hammasini o‘rganib chiqadi;
- tomorqadan samarali foydalanish, aholiga parranda, qo‘y-echki, urug‘ va ko‘chatlar olib berish ishlarini tashkil etadi;
- hal qilinishi lozim bo‘lgan muammolar bo‘yicha tuman va viloyat hokimi, mahalliy Kengashlar, vazirliklar oldiga aniq masalalarni qo‘yadi.
O‘zini yaxshi ko‘rsatgan hokim yordamchilari va respublika vakillari mukofotlanadi, yil natijalari bo‘yicha esa «Yangi O‘zbekiston islohotchisi» ko‘krak nishoniga tavsiya qilinadi. Shuningdek, ularga ipoteka asosida kvartira olishda 50 foizgacha subsidiya ajratiladi.
Bosh vazir qabulxonalari va Tadbirkorlikni rivojlantirish agentligi negizida Mahallabay ishlash va tadbirkorlikni rivojlantirish agentligi hamda tuman(shahar)larda Mahallabay ishlash va tadbirkorlikni rivojlantirish markazlari tashkil etiladi.
«Ushbu tizimni samarali yo‘lga qo‘yishga barcha hudud va sektor rahbarlari mas’ul», deya prezidentning so‘zlarini keltirmoqda Kun.uz muxbiri. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Yaxshi pishgan va mazali anor tanlashga yordam beradigan tavsiyalar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
