Mart oyi uchun O‘zbekiston banklaridagi eng manfaatli omonatlar e’lon qilindi

«Iqtisodiy sharh» jurnali O‘zbekistondagi banklarda milliy valyutada jismoniy shaxslarga yillik foizdagi omonatlar reytingini e’lon qildi.

Ma’lumotlarni tuzishda omonat shartlari — yillik foiz stavkasi, omonat muddati va omonatning minimal miqdori kabi shartlar inobatga olingan.

Hozirda 32 ta tijorat bankidan faqat 31 tasi milliy valyutada omonatlar taklif qilmoqda. Faqatgina «O‘zagroeksportbank» tomonidan omonatlar vaqtinchalik taklif etilmayapti.

Birinchi o‘rinni Anorbank egalladi — ushbu bankda 23 foizlik yillik stavka, minimal miqdori 100 ming so‘m bo‘lgan 13 oy muddatli oflayn omonatlar taklif etiladi.

Ikkinchi o‘rinni TBC bank (foiz stavkasi — 22 foiz, omonatning minimal miqdori 10 ming so‘m, omonat muddati esa 24 oy) egallagan bo‘lsa, «Kapitalbank» ( yillik foiz stavka — 22 foiz, omonat muddati — 25 oy, omonatning minimal qiymati esa 1 mln so‘m) uchinchi o‘rinda turibdi.

Banklar tomonidan milliy valyutada jismoniy shaxslarga omonatlar bo‘yicha eng baland stavkani Anorbank (23 foiz), taqdim etayotgan bo‘lsa, eng past stavka Orient Finans Bank (15 foiz) tomonidan taklif etilmoqda.

Aniqlanishicha, banklarda omonatlarni qisman yechilishi yillik foiz stavkalarini o‘zgarishiga olib keladi.

^{Jadval: «Review.uz»}
Bundan tashqari, «Turkiston Bank», «Eron Soderat Bank» va «O‘zKDB Bank» tomonidan omonatlar mijozlar bilan kelishilgan holda qabul qilinadi. “Zamin” yangiliklarini “Youtube”da kuzatib boring