16:12 / 21.04.2016
10 128

Bugun Yulduz Usmonova “Pust govoryat” ko‘rsatuvida chiqish qiladi

Bugun Yulduz Usmonova “Pust govoryat” ko‘rsatuvida chiqish qiladi
Biroz avval O‘zbekiston xalq artisti Yulduz Usmonovaning Rossiya telekanallari orqali namoyish etiladigan “Pust govoryat” ko‘rsatuvida chiqish qilishi haqida xabar bergan edik. Mazkur ko‘rsatuv bugun, 21 aprel kuni Toshkent vaqti bilan soat 21:50 da “Pervыy kanal” orqali efirga uzatiladi. Bu haqda "Qalampir.uz" xabar bermoqda.

Ko‘rsatuvning navbatdagi soni bir vaqtlar Rossiya telekanallari orqali efirga uzatilgan “Shire krug” dasturiga 40 yil to‘lishiga bag‘ishlangan bo‘lib, unda o‘sha vaqtlarda teleshouda o‘z iste’dodini namoyon etgan va bugunga qadar ijodini davom ettirib kelayotgan taniqli sozandalar, xonandalar ishtirok etishadi. Yulduz Usmonovaning ijodiy jamoasi bergan ma’lumotlarga qaraganda, xonanda ko‘rsatuvda ishtirok etish uchun Rossiyaga bormagan, aksincha, Toshkentdan ko‘rsatuv uchun maxsus lavha jo‘natilgan. Unda xonanda “Shire krug” teleshousidagi chiqishini xotirlab, dastur ijodkorlari va ishtirokchilarini qutlug‘ sana bilan muborakbod etgan.

Ma’lumot uchun, “Shire krug” dasturi 1976 yildan 2001 yilgacha efir yuzini ko‘rib kelgan bo‘lib, unda yosh musiqa ijrochilari va xonandalar, roqqosalar, san’atning turli yo‘nalishlarida ijod qiladigan yoshlar o‘z iqtidorlarini namoyon etishlari mumkin bo‘lgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » Bugun Yulduz Usmonova “Pust govoryat” ko‘rsatuvida chiqish qiladi