Foto: «Oyina.uz»
Tojikiston poytaxti Dushanbe shahrida Amir Temurning hayoti va faoliyati haqida o‘zbek tilida bitilgan eng eski qo‘lyozma aniqlandi. Bu haqda O‘zbekiston madaniy merosini saqlash, o‘rganish va ommalashtirish bo‘yicha Butunjahon jamiyati a’zosi, Tojikiston Milliy universiteti professori, filologiya fanlari doktori, navoiyshunos olim Badriddin Maqsudov ma’lum qildi.
Maqsudovning aytishicha, kitobni Amir Temur haqida yozilgan va shu paytga qadar yetib kelgan turkiy qo‘lyozmalarning hozircha eng qadimiysi deyish mumkin. Ayni paytga qadar Amir Temur haqida bitilgan turkiy asarlarning eng qadimiysi 1713 yilda yaratilgan.
Foto: «Oyina.uz»
Kitobning xotimasida qo‘lyozma hijriy 1027 yil rajab oyi sanasi qayd etilgan. Bu 1618 yilning iyun—iyul oylariga to‘g‘ri keladi. Bu asarning ko‘chirilgan sanasi ekani va asar undan ham avval yozilgan bo‘lishi mumkinligi aytilmoqda. Unda asarning yoshi yanada «ulg‘ayadi». Hozircha qo‘lyozma kimning qalamiga mansub ekani, kim tomonidan, qayerda ko‘chirilgani ma’lum emas.
Foto: «Oyina.uz»
Asar an’anaviy tarzda Yaratganga hamd-u sano va payg‘ambar (s.a.v.)ga na’t bilan boshlangan. Kitobning mundarijasi, voqealar rivoji, bayon uslubi haqida aniq fikr yo‘q. Bu sahifalar bir qator taniqli mutaxassislar, manbashunos olimlarga ko‘rsatildi. Ularning fikricha, qo‘lyozma Qo‘qonda ko‘chirilgan, Sharafiddin Ali Yazdiyning «Zafarnoma» yoxud Abdulloh Hotifiyning «Temurnoma» asari asosida yaratilgan bo‘lishi mumkin. Aniq xulosa esa qo‘lyozma to‘liq o‘rganib chiqilganidan keyin aytiladi.
Dushanbedan topilgan bu noyob qo‘lyozmaning nusxasini O‘zbekistonga keltirib, taniqli tarixchi va manbashunos olimlar yordamida chuqur tadqiq etish rejalashtirilgan.
Amir Temur1, Dushanbe1, Noyob qo‘lyozma1 “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Tramp Putinga qo‘ng‘iroq qilib, Ukrainadagi urushni muhokama qildi
Immunitetni ko‘tarish uchun 6 ta eng yaxshi vitamin
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
KXDR askarlarlari urushga kirdi. Razvedka nima demoqda?
Ramzan Qodirov Allamjonovga uyushtirilgan suiqasd yuzasidan munosabat bildirdi
Kiyev: Tramp inauguratsiyasigacha «tinchlik rejalari» haqidagi gaplar asossiz
