22:09 / 05.05.2016
10 260

Tadqiqotchilar: Tutanxamon ayollar uchun tayyorlangan sag‘anaga dafn etilgan

Tadqiqotchilar: Tutanxamon ayollar uchun tayyorlangan sag‘anaga dafn etilgan
Olimlarning aniqlashicha, Qadimgi Misrning mashhur fir’avnlaridan biri Tutanxamonning maqbarasi avvaliga ayol kishi uchun qurilgan. Bu haqda Daily Mail xabar bergan, deyiladi "Kun" nashrida.

Tadqiqotchilar bu farazni dahmaning ichki tuzilishiga ko‘ra bildirishgan: XVIII sulola davridagi maqbarada erkak kishi tobuti kirishdagi chap tarafga joylashgan bo‘lgan. Tutanxamonning maqbarasiga kirganda esa o‘ng tomonga burilish kerak bo‘ladi. Tarixchilarning qayd etishicha, fir’avnning rafiqasi Xatshepsutning tobuti ham maqbarasidagi o‘ng tomonga joylashtirilgan.


Misrshunoslarning fikricha, maqbara erkaklar uchun ancha kichiklik qiladi. Shu tufayli bu maqbara avvaliga ayol kishi uchun qurilgan, ammo Tutanxamon tasodifan 19 yoshida vafot etgani tufayli u aynan shu "ayollarga xos" maqbaraga dafn qilingan.

Taxminlarga ko‘ra, Tutanxamon Misr fir’avnlari oilalarida urf bo‘lgan yaqin qarindoshlar orasidagi nikohlar natijasida yuzaga kelgan irsiy kasalliklar bilan og‘rigan.

Tadqiqotchilarning hisoblashicha, bu maqbara avvaliga Qadimgi Misrning XVIII sulolasi asosichi Exnotonning katta rafiqasi Nefertiti uchun qurilgan bo‘lishi mumkin. Malika Nefertiti o‘gay o‘g‘li va ayni paytda kuyovi bo‘lgan Tutanxamon mozorida ko‘milgan bo‘lishi mumkinligi taxmin qilinadi. Imperatorning Luksordagi (Misr) mozori ochilgach, mazkur taxmin o‘z tasdig‘ini topgandek bo‘ldi — maqbaraning skaner yordamida tekshirilishi unda yashirin xona borligini ko‘rsatgan. Olimlar Nefertiti ko‘milganligi ehtimoldan xoli bo‘lmagan joydagi tadqiqotlarni davom ettirmoqda.


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » Tadqiqotchilar: Tutanxamon ayollar uchun tayyorlangan sag‘anaga dafn etilgan