Ozarbayjonda o‘tkazilgan Xalqaro mug‘om festivalida o‘zbekistonlik ijrochilar sovrindor bo‘lishdi

Ozarbayjon poytaxti Boku shahrida o‘tkazilgan VI mug‘om festivalida o‘zbekistonlik xonanda Gran-pri sohibi bo‘ldi. Bu haqda festivalda ishtirok etayotgan fotorassom Husniddin Ato xabar bermoqda.

Festival 18—25-iyun kunlari Boku shahrida bo‘lib o‘tgan. Unda Turkiya, O‘zbekiston, Eron, Isroil va Ozarbayjondan 22 nafar sozanda va xonanda ishtirok etgan.

Festival nizomiga ko‘ra g‘oliblarga jami 100 ming yevro mukofot belgilangan:

Tanlovda xonandalik yo‘nalishida:

Gran-pri: Mohichehra Shomurodova — O‘zbekiston (20 ming yevro);

1. Mirali Sarizada — Ozarbayjon (15 ming yevro);

2. Dashqin Kurchali — Ozarbayjon (10 ming yevro);

3. Do‘stmurod Negmurodov — O‘zbekiston (5 ming yevro);

Sozandalik yo‘nalishida:

Gran-pri: Vaqif Tahmazov — Ozarbayjon (20 ming yevro);

1. Anar Valizoda — Ozarbayjon (15 ming yevro);

2. Shohjahon Yoriyev — O‘zbekiston (10 ming yevro)

3. Jahandar Mikailov — Ozarbayjon (5 ming yevro) bilan mukofotlandi.

Maʼlumot uchun, festivalda fotorassom Husniddin Atoning “Mug‘om ijrochilari” nomli shaxsiy fotoko‘rgazmasi namoyish etildi.

“Zamin” yangiliklarini “Odnoklassniki”da kuzatib boring