Uzoq yillardan beri qalin doʻst boʻlgan Gollivud yulduzlari...

^{Foto: Europa Plus}
Erkak va ayol oʻrtasidagi munosabatlar doʻstlikka asoslangan boʻlishi mumkin yoki mumkin emasligi hamisha bahs va munozaralarga sabab boʻlgan. Quyida e'tiboringizga havola etadigan yulduzli doʻstlar ikki jins vakili oʻrtasida sevgidan boshqa munosabatlar ham boʻlishi mumkin ekaniga misol boʻla oladi.

Jastin Biber va Billi Aylish

^{Foto: Europa Plus}
Bir vaqtlar Billi Aylish hali mashhur xonanda boʻlmaganda qoʻshiqchi Jastin Biberning ashaddiy muxlisi boʻlgan. Billi dunyoga tanilgach, uning bolalikdagi kumiri Jastin haqiqiy ustoz va doʻstga aylandi:

“Men uni juda hurmat qilaman. U menga koʻp ishlarda yordam beradi. Masalan, Jastin menga yulduzlik kasalligiga chalinmaslikni va mashhurlikni toʻgʻri qabul qilishni oʻrgatgan. Biz u bilan tez-tez telefon orqali muloqot qilamiz. Uning motivatsiyaga toʻla soʻzlari qaygʻuli kunlarimda xuddi hayotga qaytargandek boʻladi”, — deydi Billi Aylish.

^{Foto: Europa Plus}
Darhaqiqat, Biberning oʻzi ham ushbu doʻstlik xonanda uchun katta ahamiyatga ega ekanligini doim aytadi.

Rayan Reynolds va Sandra Bullok

^{Foto: Europa Plus}
2009 yilda Sandra Bullok va Rayan Reynolds ishtirokidagi “Taklif” filmi namoyish etildi. Filmda sevishganlar obrazini ishonarli tarzda ijro etgan aktyorlar hayotda ham ideal juftlik boʻlishiga koʻplab muxlislar ishonch bildirdi. Ammo oʻsha yilda ikkala aktyorning ham jufti boʻlgan va ular doʻst boʻlib qolgan. Sandra va Rayan turmush oʻrtoqlari bila ajrashganda ularning doʻstligi yanada mustahkamlandi.

“Rayan men uchun shunchaki ajoyib doʻst, biz oʻn yildan ortiq vaqt davomida opa-ukadekmiz”, — deydi Bullok.
Kendall Jenner va Fay Hadra

^{Foto: Europa Plus}
Ijtimoiy tarmoqlarda Kendall Jenner nafaqat opa-singillari bilan tushgan suratlar bilan, balki yaqin doʻsti Fay Hadra bilan olingan esdalik fotolar bilan ham boʻlishadi. Ikkisi koʻpincha turli ijtimoiy tadbirlarda birga ishtirok etadi. Masalan, Heyli va Jastin Biberning toʻy marosimiga Kendall doʻsti Fay bilan birga tashrif buyurgan.

Ed Shiran va Teylor Svift

^{Foto: Europa Plus}
2012 yilda Teylor va Ed oʻrtasida hamkorlikdagi loyihadan boshlangan munosabatlar hali hamon davom etmoqda. Ijodiy gʻoyalar ustida suhbatlashish va birgalikda sayr qilishni xush koʻradigan mashhurlar nima uchun boshqalar ularning doʻstligiga ishonmasligiga hayron qoladi. Ular nafaqat bir-birlarining kontsertlarida chiqish qiladi, hatto ijodiy masalalarga birgalikda yondashadi. Ed Shiran bir necha yil oldin Teylorning Neshvildagi uyi yaqinida rancho sotib olgani buning dalilidir.

“Teylor va men turli mavzularda uzoq va mazmunli suhbat qura olamiz. Men Teylor nima istayotganini tushunadigan kam sonli insonlardan biriman, deb ayta olaman”, — deydi Ed.
Zendaya va Timoti Shalame

^{Foto: Europa Plus}
Bu ikki mashhurni “Dyuna” filmidan tashqari besh yillik mustahkam doʻstlik ham bogʻlaydi. Timoti bir necha bor hamkasbi unga koʻplab shaxsiy va maishiy masalalarda yordam berganini tan oldi. Masalan, Zendaya Manxetten markazidan olingan kvartirani Timoti uchun jihozlab bergan.

“Zendayani oʻz singlimdek qabul qilaman, men uni qalb doʻstim va eng yaxshi partnyorim, deb bilishdan xursandman”, — deydi Shalame.
Lili Kollinz va Zak Efron

^{Foto: Europa Plus}
Lili va Zak birinchi marta oʻn yil oldin Nickelodeon kanalining taqdirlash marosimida uchrashgan. Efron doʻsti haqidagi ilk taassurotlari yomon boʻlganini tan olgan, chunki u Kollinzni juda takabbur inson deb oʻylagan. Biroq uning fikri tez orada oʻzgardi va har bir uchrashuvdan keyin mashhurlarning rishtalari mustahkamlanib bordi. Lili va Zak 2019 yilda umumiy loyihada ham ishtirok etgan. “Zamin” yangiliklarini “Telegram”da kuzatib boring