Amerikaning Netflix striming tizimi joriy yil dekabr oyida premerasi bo‘lib o‘tishi rejalashtirilgan “Kalmar o‘yini” serialining ikkinchi mavsumini faol ravishda targ‘ib qilishda davom etmoqda. Kuni kecha serialning keyingi qismidagi voqealarni aks ettiruvchi to‘liq tizer e’lon qilindi.
Foto: Nerdtropolis
Platformaning rasmiy YouTube kanalida joylashtirilgan video taxminan ikki daqiqa davom etadi. Unda yangi mavsumning bosh qahramonlari va ular duch keladigan dahshatli sinovlar aks ettirilgan.
Syujetga ko‘ra, kalmar o‘yinida g‘alaba qozonganidan uch yil o‘tgach, 456-raqamli o‘yinchi AQSHga ko‘chmaslikka qaror qiladi va yangi rejalar bilan uyga qaytib keladi. U ko‘plab halokatlarga olib keluvchi dahshatli o‘yinga butunlay chek qo‘yish maqsadida musobaqa tashkilotchilarini izlashga tushadi.
Foto: Netflix
Uning harakatlari nihoyat o‘z samarasini berganida mudhish o‘yinni tugatish uchun Son Ki Xun yana kalmar o‘yinida ishtirok etishi shart ekanligi ma’lum bo‘ladi. Oxir-oqibat u o‘yinda qayta ishtirok etib, bosh sovrin uchun kurashishga yig‘ilgan ishtirokchilar bilan yangi halokatli davrni boshlaydi.
Qayd etilishicha, Li Chon Che, Li Ben Xon, Vi Xa Jun va Kon Yu kabi birinchi mavsumdagi aktyorlar o‘z rollariga qaytishgan.
“Kalmar o‘yini” — Janubiy Koreyada suratga olingan serial bo‘lib, katta pul mukofoti va’da qilingan o‘yinda omon qolish uchun shafqatsiz sinovlarda qatnashishga majbur bo‘lgan va qarzga botgan bir guruh odamlar haqida hikoya qiladi. Serial ishtirokchilarni bolalar o‘yini asosida tuzilgan bir nechta halokatli o‘yinlarda ishtirok etadi. Har bir mag‘lubiyat o‘limni anglatadi.
Serial rejissyori va ssenariy muallifi Xvang Don Xek loyiha g‘oyasini 10 yildan ortiq vaqt davomida ishlab chiqqan, biroq Netflix ko‘magidagina uni ekranda jonlantirishga muvaffaq bo‘lgan. 2021 yil sentyabrda chiqqan mazkur serial butun dunyo bo‘ylab millionlab tomoshalarni yig‘di va platformaning eng muvaffaqiyatli loyihalaridan biriga aylandi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko ukrainalik generallar taslim bo‘lish uchun unga qo‘ng‘iroq qilishganini aytdi
Hande Erchel turk madaniyatini rivojlantirishga qo‘shgan hissasi uchun mukofotlandi
Isroil hujumidan keyin Eron harbiy budjetini 200 foizga oshiradi
Mayk Tayson: "Kasalxonada o‘lgandan ko‘ra, ringda o‘lganim afzal"
Yuk mashinalari haydovchilari uchun yangi tartib kuchga kirdi
Vengriya hukumati Ukrainaga noqonuniy qurol yetkazib berishning oldini olganini ma’lum qildi
“Hizbulloh” rahbari: Urush qancha davom etmasin, o‘t ochishni to‘xtatishni so‘ramaymiz
Shimoliy Koreya Rossiyaga 5,5 mlrd dollarlik qurol yetkazib bergani aytilmoqda
