Foto: Dzen
“Xavfli sinov”, “Goblin” kabi dramalar orqali muxlislar qalbini zabt etgan aktyor Kon Yu hamda “Quyosh avlodlari” seriali yulduzi Son Xe Gyo yangi loyihada birga ish boshladi.
“Sokin va kuchli” nomli serialni suratga olish ishlari 2025 yil 12 yanvarda boshlandi. Stsenariy muallifi “Hammasi joyida, bu sevgi” va “Bizning blyuz” kabi loyihalari bilan tanilgan No Xi Gyongdir.
Drama voqealari 1960—1970 yillarda sodir boʻladi. Unda Koreya mamlakatidagi madaniy va iqtisodiy oʻsish davri, shuningdek, san'at va televideniye sohasidagi oʻzgarishlar, parda ortidagi oʻziga xos qiyinchiliklar yoritiladi.
Foto: The Girl
Aktyor Kong Yu muhim ijtimoiy masalalarga bagʻishlangan teledastur yaratish uchun kurashgan radioprodyuser rolini oʻynaydi.
Aktrisa Son Xe Gyo teleyulduzga aylangan, ammo mashhurlik va jamiyat bosimi ostida qiyinchiliklarga duch kelgan xonanda obrazini gavdalantiradi. Aktrisa 60—70 yillar ayoli qiyofasiga mos kelishi uchun sochini kalta kestirgan.
Foto: The Girl
Dramada kino va teleyulduzlar, prodyuserlar va jamoatchilik oʻrtasidagi murakkab munosabatlar ochib beriladi. Unda insoniylik, xiyonat va oʻzlikni anglash mavzulari ham koʻtariladi.
Son Xe Gyo va No Xi Gyong avval ham bir nechta loyihalarda hamkorlik qilishgan.
“Bu qish shamol esar” Foto: The Girl
Loyihani suratga olish ishlarini 2025 yilning birinchi yarmida yakunlash rejalashtirilgan. Serial Netflix striming xizmatida 22 qismli drama formatida namoyish etilishi ustida muzokaralar olib borilmoqda.
Loyiha byudjeti 700 milliard von (544 million dollar)dan oshadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
