Bitta qo‘shiq – butun bir hayotni o‘zgartirgan satrlar va qayta ochilgan qalb eshigi (video)

Ozarbayjon san’atida o‘ziga xos ovoz, obraz va tuyg‘ular bilan tanilgan Roza Zergerli yaqinda Toshkent shahridagi "Xalqlar do‘stligi" san’at saroyida chiqish qilib, sahnadan ketishga qaror qilganini, ammo “Istedim” qo‘shig‘i tufayli qayta ijodga qaytganini ochiq bildirdi.

“Istedim” — qalbni tetiklantirgan ilohiy zarba
Zergerli intervyusida shunday dedi:

“Men bu qo‘shiqni tayyorlab, uni yuragimda saqlab qo‘ymoqchi edim. Ammo qizim menga shunday dedi: 'Ona, bu qo‘shiq sizni butun dunyoga tanitadi. Bundan xalq ham bahramand bo‘lsin'. Shunda men uqdim — bu qo‘shiq na faqat men uchun, balki minglab yuraklar uchun aytilgan edi.”

Qo‘shiq matni – sevgi, qiyinchilik va sabr haqida
Qo‘shiq so‘zlarida chin qalb tuyg‘ulari, intizorlik, muhabbatga muhtojlik va umidning oxirgi chirog‘i aks etgan. Undagi har bir satr odamga qalbdan aytilayotgandek:

"Men faqat sening e’tiboringni xohladim.
Men sen tomonidan sevilishni istadim va doimo seni kutdim.
Men sening muhabbatingga muhtoj edim. Agar sengina bilsang edi.
Agar sen menga kelsang, men hech bo‘lmaganda sening hidingni his qilsam yetar edi.

Men senga hammasini berdim — hayotimni, vaqtimni va hatto qalbim kalitlarini.
Men sen tomonidan sevilishni xohladim. Doimo seni kutdim va yo‘lga qaradim.
Menga sening muhabbating kerak edi. Agar sengina bilsang edi.
Men sen menga kelishingni orzu qilardim. Men suyanardim, faqat sening hidingni his qilishni istardim.

Har safar yo‘lga qaraganimda,
Menga sen ko‘rinadigandek bo‘ladi, lekin keyin sening obrazing g‘oyib bo‘ladi.
Sevilishingni bilish muhim.
Lekin sen menga yetib kelguncha sening “roza”ing solg‘inlashadi.

Bizga faqat bitta hayot berilgan, nega uni azoblash kerak.
Senga ruhini sovg‘a qilgan insonni sen qanday qilib sindirding?
Men hislarimni bo‘g‘ishga urinyapman, lekin ular baribir menda yashaydi.
Agar sen bilsang edi, sevish qanchalik og‘ir ekanini, senga tegolmasdan turib.

Men faqat sening e’tiboringni istadim.
Men sen tomonidan sevilishni xohladim va seni doim kutdim.
Men sening muhabbatingga muhtoj edim. Sen bundan xabardor bo‘lishingni istardim.
Agar sen menga kelsang, agar men sening hidingni his qilolsam.

Men senga hammasini berdim — hayotimni, vaqtimni va hatto qalbim kalitlarini.
Men sening sevgingni xohladim. Doimo seni kutdim, yo‘lga tikilib.
Men sening muhabbatingga muhtoj edim. Agar sengina ko‘ra olsang edi.
Agar sen menga kelishing mumkin bo‘lsa, men faqat sening hidingni his qilishni xohlardim."

Muxlislar ta’biricha, bu qo‘shiq har bir sevgan insonning yuragidagi sirlarni go‘yo yuzalarga olib chiqadi.

Sahnaga qaytish – ichki ovozga quloq tutish
Zergerlining so‘zlariga ko‘ra, u nafaqat ijoddan, balki hayotning o‘zida ham sukutga cho‘mayotgan edi. Lekin “Istedim” undagi ilhomni uyg‘otdi:

“Bu qo‘shiq meni to‘xtab qolishdan saqlab qoldi. Meni qayta sahnaga, insonlar yuragiga yetakladi.”

Qo‘shiq shunchaki kuy emas — bu xat, iltimos va ohi
“Istedim” — bu Roza Zergerli uchun nafaqat musiqiy ijod, balki bir umrlik his-tuyg‘ularning ifodasi. Bu satrlarda u nafaqat sevgiga zarur bo‘lgan ayol, balki eng haqiqiy inson sifatida namoyon bo‘ladi.

Siz nima deb o‘ylaysiz — “Istedim” qo‘shig‘i sizning ham yuragingizdagi qandaydir hassos tuyg‘ularga tegi oldimi? Roza Zergerlining sahnaga qaytishi qanday baholaysiz? “Zamin”ni Telegramʻda oʻqing!