"Shrek"dagi eshak o‘z multfilmiga ega bo‘ladi

2 daqiqa o'qish3.5K
"Shrek"dagi eshak o‘z multfilmiga ega bo‘ladi

Mashhur “Shrek” multfilm qahramonlarini yaxshi ko‘radiganlar uchun kutilmagan yangilik: DreamWorks studiyasi eshak haqida alohida film ustida ish boshlashini ma’lum qildi. Bu loyiha “Shrek 5” ustidan ish ketar ekan, qo‘shimcha ravishda ishga tushirilmoqda. Eshak rolini bir necha yillardan beri ovoz berib kelayotgan Eddi Myorfi yangi film haqida rasman ma’lum qildi va ishlarning shu yil kuzida boshlanishini aytdi, deb xabar berdi Peopletalk.

Aktyorning aytishicha, “Shrek 5” hali ovozlashtirish va animatsiya jarayonida bo‘lib, eshak haqidagi yangi film uchun sentyabr oyida suratga olish ishlari start oladi. Rejalashtirilgan chiqish vaqti taxminan uch yildan so‘ng, 2027 yil atrofiga to‘g‘ri kelishi kutilmoqda.

Eshak — “Shrek” dunyosidagi eng sho‘x, hazilkash va muloqotsevar qahramon. U faqat kulish uchun emas, balki samimiylik, sodiqlik va ilojsiz vaziyatlarda ham pozitiv bo‘lishning ramzi sifatida alohida e’tiborga sazovor. Yangi filmda u nafaqat do‘st, balki oila boshlig‘i sifatida ham namoyon bo‘ladi — uning ajdar bilan turmush qurgani va farzandlari bor. Myorfining aytishicha, ssenariy juda qiziqarli va tomoshabinlar uchun kutilmagan voqealarga to‘la bo‘ladi.

Esingizda bo‘lsa, "Кот в сапогах" ham o‘zining alohida multfilmlariga ega bo‘lgan — so‘nggisi “Oxirgi orzu” deb nomlangan va kino tanqidchilar hamda tomoshabinlar tomonidan yaxshi baholangan. Shuning uchun, eshak haqidagi film ham yangi xit bo‘lishi kutilmoqda.

Tomoshabinlar allaqachon yangi film uslubi qanday bo‘lishini muhokama qilmoqda. “Shrek 5” multfilm animatsiyasiga turlicha fikrlar bildirilganidan so‘ng, studiya bu safar muxlislar fikrini inobatga olishi mumkin. Eshakning hayoti va uning oilasi asosida to‘qilgan yangi syujet — o‘z-o‘zidan katta salohiyatga ega.

Aytib o‘tish joiz, “Shrek 5” multfilmi 2026 yil 23 dekabr kuni chiqishi rejalashtirilgan. Bu sanani studiya o‘zining 25 yilligiga bag‘ishlamoqda. Eski qahramonlar — Shrek, Fiona va Eshak ovozlari ham shu aktyorlar tomonidan ijro etiladi. Bundan tashqari, Shrekning qizi rolini mashhur aktrisa Zendeya ijro etadi.

Ma’lumki, “Shrek” multfilmi ilk bor 2001 yilda ekranga chiqqan edi. U Uilyam Steygning bolalar kitobi asosida yaratilgan. Keyingi qismlar 2004, 2007 va 2010 yillarda namoyish etilgan. Bundan tashqari, “Shrek” oilasi va "Кот в сапогах" haqida qisqametraj multfilmlar ham yaratilgan.

Yaqin kelajakda ekranga chiqadigan eshak haqidagi alohida film nafaqat bolalar, balki kattalar uchun ham qiziqarli tomosha bo‘lishi kutilmoqda. Chunki u hayotga yondashishdagi yorug‘lik va yumorni o‘zida mujassam etgan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?