Hindistonda 71-Milliy kino mukofotlari e’lon qilindi va unda mashhur aktyor Shohrux Xon birinchi bor “Eng yaxshi aktyor” nominatsiyasida g‘olib bo‘ldi, deb NDTV.com xabar berdi.
U “Jawan” va “Dunki” filmlaridagi roli uchun ushbu yuksak e’tirofga loyiq deb topildi. Rani Mukerji esa “Mrs. Chatterjee Vs Norway” filmidagi obrazi uchun “Eng yaxshi aktrisa” deb topildi.
“Eng yaxshi hind filmi” nominatsiyasida “Kathal: A Jackfruit Mystery” g‘olib bo‘ldi. Film ijtimoiy yumor orqali muhim mavzularni ko‘targan.
Yilning boshqa yirik g‘oliblari quyidagilar:
• “2018: Everyone is a Hero” — eng yaxshi malayalam filmi
• “Sam Bahadur” — eng yaxshi biografik film
• “Siren” — eng yaxshi tamil filmi
• “Baaplyok” — eng yaxshi marathi filmi
Mukofotlar marosimida aktyorlar va kino ijodkorlari turli yo‘nalishlar bo‘yicha taqdirlandi. Milliy mukofotlar Hindistondagi eng nufuzli kino e’tiroflaridan biri hisoblanadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
