Hind kinokomediyalari va raqs sahnalari sevuvchilari uchun Mitxun Chakraborti ismi tanish. Uning to‘liq ismi Gourang Chakraborti. U 1950 yil 16 iyunda Bengaliyada tug‘ilgan va 1970 yillarda Bollivud sahnasiga qadam qo‘ygan.
Mitxun 1979 yilda aktrisa Yogita Baliga uylandi. Ular birga to‘rt nafar farzand tarbiyalashgan: uchta o‘g‘il – Mimox (Maxakshay), Ushmay, Namaashi va bir farzandni asrab olishgan – qizaloq Disha.
Uning katta o‘g‘li Mimox ham aktyor bo‘lgan.
Mitxun oilaparvar inson sifatida tanilgan va ko‘pincha o‘z farzandlari bilan vaqt o‘tkazishdan zavq olishini ta’kidlaydi.
Mitxun yoshligidan sportga qiziqqan va universitetda o‘qigan paytda professional karate bilan shug‘ullangan. U qora kamar sohibi.
Mitxun Chakraborti nafaqat aktyor, balki siyosatchi va tadbirkor hamdir. U turli xayriya ishlari bilan ham shug‘ullangan hamda qashshoq bolalar uchun bir necha maktablar va bolalar uylarini qo‘llab-quvvatlagan.
Mitxunni dunyoga tanitgan asosiy film – “Disco Dancer” (1982) bo‘ldi. Undagi raqslar va jozibali qo‘shiqlar nafaqat Hindistonda, balki Sovet Ittifoqida ham haqiqiy sensatsiya bo‘ldi. O‘sha yillarda Toshkent, Samarqand va Farg‘onada ham bu film katta qiziqish bilan tomosha qilingan, qo‘shiqlari xalq orasida ko‘p ijro etilgan.
Uning kino olamidagi yo‘li oson bo‘lmagan. Mitxun birinchi marotaba “Mrigayaa” (1976) filmida suratga tushib, o‘shandayoq “Eng yaxshi debyut” uchun Milliy mukofotni qo‘lga kiritgan. Keyinchalik uning filmlari “Dance Dance”, “Kasam Paida Karne Wale Ki” xitga aylandi.
1980 yillarda Mitxun aktrisa Shri Devi bilan munosabatda bo‘lgani haqida ko‘p ovozalar tarqalgan. Aytishlaricha, ular hatto yashirincha turmush qurishgan degan xabarlar ham bo‘lgan. Biroq bu munosabat uzoqqa bormagan va Shri Devi keyinchalik prodyuser Boni Kapurga turmushga chiqqan.
Bugungi kunda ham u Hind kino industriyasining ramziy qahramonlaridan biri sifatida e’zozlanadi. O‘zbekistonda esa u abadiy “Disko qahramoni” sifatida esda qolgan.
“Zamin”ni Telegramʻda oʻqing!
