Yangi kelin bo‘lgan mashhur xonanda Dilnoz Hakimova turmush o‘rtog‘idan mahr sifatida nima so‘ragani haqidagi savolga samimiy javob berdi.
Ijtimoiy tarmoqdagi obunachilaridan biri undan:
— “Mahrga nima so‘radingiz?” — deb so‘raganida, Dilnoz shunday javob qaytargan:
“Bu mavzu ko‘pchilikni qiziqtirgan edi. Men mahrga uy so‘raganman. Shayx Rahmatulloh Termiziy domlaning 'Mahr va nikoh' haqidagi suhbatlarini eshitib, bu eng to‘g‘ri tanlov, deb hisoblaganman. Domla aytib o‘tganlaridek, o‘qimishli qizning mahri qimmat bo‘lishi tabiiy ekan. Hatto men yana ko‘proq so‘rashim ham mumkinligini ta’kidlagan edilar.”
Xonanda so‘zining davomida qo‘shimcha qildi:
“Albatta, bu mahrga o‘zim muhtoj bo‘lib qolmasligimni, farzandlarimizning to‘ylariga buyurishini va Alloh taolo turmush o‘rtog‘imni meni so‘raganimdan ham ziyodasi bilan siylashga qodir qilsin, deb niyat qilganman.”
Dilnoz Hakimovaning bu javobi muxlislar e’tiborini tortdi va ijtimoiy tarmoqlarda keng muhokamaga sabab bo‘ldi.
