Aktrisa Dilnoza Kubayeva “O‘zbekiston” telekanalidagi “Xayol va hayot yo‘llari” ko‘rsatuvida shaxsiy hayoti va ijodi haqida ochiq gapirdi. U o‘zining ijodiy yuksalishi, sevgi va hayotga bo‘lgan qarashlari haqida so‘zlab, ko‘nglidagi og‘riq va xulosalarni bildirib o‘tdi.
Kuchli ayol bo‘lishga majburman, deb ta’kidlagan aktrisa, lekin ichki kuchini yo‘qotishdan qo‘rqishini ham aytib o‘tdi. Uning so‘zlariga ko‘ra, “har doim erkaliklarni ko‘taravermaydi, hayot shunday beshafqat, o‘zimiz orzu qilgan narsalarga erishish uchun shuncha ko‘p mexnat qilishimiz kerak”. U bolalikdagi erkalikni yo‘qotganini, bu holat uning hayotida katta fojialarga olib kelganini aytib o‘tdi.
Sevgiga kelganda, Kubayeva shunday dedi: “Endi sevib qolish juda qiyin, yuragimni Yaratganga bo‘lgan sevgi band qilgan. Sevish borasida umidim yo‘q, bir erkakka bo‘lgan sevgi haqida gapirishni ham xohlamayman”. Uning ko‘nglidagi og‘riq, sevgidan umidsizlik, atrofdagilarning e’tiborini yutishga qodir bo‘lmaydigan hislarni aytib o‘tdi.
Ijodiy cheklovlar haqida gapirarkan, aktrisa “kutish”ni ijodiy chorasizlik deb baho berdi. Uning so‘zlariga ko‘ra, aktrisalar doim o‘z rolini kutadi, va ba’zan bu shu qadar kuchli bo‘ladiki ular kino olishni xohlamaydi. Uning ta’kidlashicha, teatrda askar, hayotda esa jangchi bo‘lish uchun «qonunlar»ga amal qilish kerak.
Dilnoza Kubayeva har doim ko‘ngilni to‘ldirish va qat’iy bo‘lish o‘rtasidagi tenglikni saqlashga harakat qilganini aytib, oydin va ko‘tarinki tabiatini davom ettirmoqda.
“Zamin”ni Telegramʻda oʻqing!
