​Bahrom Nazarov nima uchun san’at institutini tashlab ketgani haqida so‘zlab berdi

Xonanda Bahrom Nazarovga Darakchi nashri tomonidan “Tanlagan kasb sirlarini mukammal egallab ijod qilish uchun o‘sha soha bo‘yicha tahsil olish kerak, yo men yanglishyapmanmi?” deb berilgan savolga quyidagicha javob berdi:

“To‘g‘riku-ya, lekin san’atda ko‘proq mehnat qilib, izlanishning o‘zi kifoya, tahsil olish shartmas. Chunki manaman, degan san’atkorlarimizning ko‘pchiligi ham musiqa sohasida tahsil olmagan. O‘n bir yil avval hozirgi O‘zbekiston Davlat san’at va madaniyat institutiga o‘qishga qabul qilingandim. Biroq sharoitim to‘g‘ri kelmagani bois tashlab ketishga majbur bo‘lganman. Nasib bo‘lsa, shu yil yana o‘qishga hujjat topshirib, imkoniyatim borida o‘qib olmoqchiman”. “Zamin”ni Telegramʻda oʻqing!