Pixar studiyasining yangi "Pryguny" animatsion filmi kinoprokatda kutilganidan ham yuqori natija ko'rsatdi. Film ilk dam olish kunlaridayoq dunyo bo'ylab 88 million dollar daromad keltirishga muvaffaq bo'ldi. 150 million dollarlik byudjetga ega bo'lgan ushbu kartina tanqidchilar tomonidan iliq kutib olindi va Rotten Tomatoes platformasida 94 foiz ijobiy bahoga ega bo'ldi. Tomoshabinlar ham multfilmni yuqori baholab, CinemaScore reytingida "A" darajasini berishdi. Bu natija studiya uchun 2017 yilda chiqqan "Tayna Koko" loyihasidan keyingi eng yaxshi ko'rsatkich hisoblanadi. Bu haqda rozetked.me xabar beradi.
Ayni vaqtda kinoprokatda boshqa bir yirik loyiha – rejissyor Meggi Djillenxolning "Nevesta!" filmi aksincha, moliyaviy muammolarga duch keldi. Kristian Beyl va Jessi Bakli bosh rollarni ijro etgan ushbu dahshatli janrdagi film dunyo bo'ylab atigi 13,6 million dollar yig'a oldi. Byudjeti 80 dan 90 million dollargacha bo'lgan kartina tanqidchilar tomonidan past baholanib, Rotten Tomatoes saytida 59 foiz, tomoshabinlar orasida esa "C+" reytingini oldi. Mutaxassislarning fikricha, "Warner Bros." studiyasi ushbu loyiha sababli o'nlab million dollar zarar ko'rishi mumkin. Bu holat "Nevesta!" filmini 2026 yilning ilk yirik moliyaviy omadsizliklaridan biriga aylantirishi mumkin.
“Zamin”ni Telegramʻda oʻqing!
