Xonanda Ulug‘bek Yulchiyev 10 aprel kuni muxlislarini yana bir yangilik bilan xursand qildi. San’atkor o‘zining yangi taronasi — “Ibi - ibi”ni taqdim etib, uni keng jamoatchilik e’tiboriga havola etdi.
Mazkur qo‘shiq YouTube platformasiga joylashtirilishi bilan qisqa vaqt ichida katta qiziqish uyg‘otdi. Atigi bir necha soat ichida videoklip 150 mingga yaqin tomosha to‘plab, trendga aylanishga ulgurdi.
Izohlar bo‘limida muxlislar xonandaning yangi ijodiy ishini iliq kutib olib, samimiy fikrlar qoldirishmoqda. Ular qo‘shiqning ohangi, ijrosi va uslubini yuqori baholab, Ulug‘bek Yulchiyevga ijodiy parvoz va yanada katta muvaffaqiyatlar tilashmoqda.
Mutaxassislar fikricha, “Ibi - ibi” taronasi tez orada xitga aylanishi va musiqa ixlosmandlari orasida keng ommalashishi kutilmoqda. Qo‘shiq allaqachon tinglovchilar qalbidan joy olishni boshlagan.
“Zamin”ni Telegramʻda oʻqing!
