O‘zbekiston Respublikasi Prezidenti Shavkat Mirziyoyev joriy yilning 3 avgust kuni ijodkor ziyolilar bilan o‘tkazgan uchrashuvida estrada san’ati haqida alohida fikr yuritib, bugungi davr xonandalarini qattiq tanqid ostiga olgan edi. Prezident o‘z ma’ruzasida san’atkorlarning unvon bilan taqdirlanish masalasi haqida so‘z ochib, unvonning mas’uliyatini ham eslatib o‘tdi va “O‘zbekiston xalq artistlari klubi”ni tashkil etish taklifini berdi.
Bugun, 17 avgust kuni “O‘zbekkonsert” davlat muassasasida klub faoliyatini tashkil etish bo‘yicha yig‘ilish bo‘lib o‘tdi. Unda O‘zbekiston xalq artistlari Farrux Zokirov, G‘ulomjon Yoqubov, Mahmud Nomozov, Ramiz Usmonov, Mardon Mavlonov, Samandar Alimov, Gulsanam Mamazoitova, O‘zbekiston xalq shoiri Sirojiddin Sayyid, shoira Farida Afro‘z ishtirok etdilar. Yig‘ilishni O‘zbekiston Respublikasi Madaniyat vaziri Baxtiyor Sayfullaev olib bordi.
Uchrashuvda O‘zbekiston xalq artisti Farrux Zokirov “O‘zbekiston xalq artistlari klubi” raisi sifatida e’lon qilindi. Endilikda mazkur klubning har bir viloyatda vakillari bo‘ladi va ular har ikki oyda uchrashib, estrada san’atidagi muammolarni muhokama etadilar.
Tadbirda ishtirok etgan “Yoshlik” jurnali bosh muharriri Nodir Jonuzoq ushbu klub yig‘ilishlari, undagi muhokamalar televidenieda alohida ko‘rsatuv sifatida namoyish etilishini taklif etdi.
Manba: Qalampir.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
AQSH Isroilning ikki vaziriga sanksiya qo‘llamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Apple dongdor ikki ayfonini rasman eskirgan deb e’lon qildi
Har qanday katta yoshdagi kishi yetuk emas
