21:09 / 30.10.2015
9 537

«O‘zbeknavo» «o‘zbek mentalitetiga to‘g‘ri kelmagan» 25 ta klipni telekanallar efiridan olib tashladi

«O‘zbeknavo» «o‘zbek mentalitetiga to‘g‘ri kelmagan» 25 ta klipni telekanallar efiridan olib tashladi
O‘zbekiston Milliy matbuot markazida «Milliy estrada san’ati: shoir, bastakor va xonanda hamkorligi – davr talabi» mavzusida matbuot anjumani o‘tkazildi. Bu haqda UZ24'ga asoslanib Daryo.uz xabar bermoqda.

O‘zAning yozishicha, anjumanda O‘zbekiston Yozuvchilar uyushmasi raisining o‘rinbosari Iqbol Mirzo, O‘zbekiston Bastakorlar uyushmasi raisi Rustam Abdullaev, «O‘zbeknavo» estrada birlashmasi bosh direktori vazifasini bajaruvchi Murodjon Majidov va boshqalar ishtirok etdi.

Tadbirda bu yil Mustaqillikning 24 yillik bayramiga tayyorgarlik ko‘rish asnosida shoirlar va xonandalar hamkorligida 40 dan ziyod yangi qo‘shiq yaratilgani, Yozuvchilar uyushmasi ko‘magida Estrada san’atini rivojlantirish jamg‘armasi tomonidan yosh shoirlarning yurtga sadoqat tuyg‘ulari aks etgan she’rlari G‘afur G‘ulom nomidagi nashriyot-matbaa ijodiy uyida maxsus to‘plam holida chop etilgani ma’lum qilindi.

Shuningdek, sohada bu kabi yutuqlar bilan birga, hal etilishi zarur bo‘lgan muammolar ham yo‘q emasligi, jumladan, chet el ohanglariga o‘zbekcha so‘zlarni qo‘yib ijro etish hollari kuzatilayotgani qayd etildi.

Ushbu tadbirda «O‘zbeknavo» birlashmasi tashabbusi bilan «umumiy talablarga javob bermaydigan», «o‘zbek mentalitetiga to‘g‘ri kelmaydigan» 25 ta klip milliy telekanallar efiridan olib tashlangani aytildi. Hamda ommabop bo‘layotgan qo‘shiqlarning matnidagi ma’nosizliklar yana muhokama etildi. Misol tariqasida xonanda Munisa Rizaevaning «Sakramento» qo‘shig‘i, yaqinda O‘zbekistonda xizmat ko‘rsatgan artist unvoniga ega bo‘lgan Ziyodaning so‘nggi qo‘shig‘i matni tanqid qilindi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » «O‘zbeknavo» «o‘zbek mentalitetiga to‘g‘ri kelmagan» 25 ta klipni telekanallar efiridan olib tashladi
[/banner_pushhouse