Kulguga nima yetsin

Dam olishdan keyin ko‘zi qizarib ishga kelgan xodimdan boshliq so‘radi:

— Nega ko‘zlaringiz qizargan? Uyquga to‘ymadingizmi?

— Yo‘q! Ishxonani sog‘inib, yig‘ladim!..
***
Bir kishi hamkasbiga shikoyat qilyapti:

— Ertalab uxlaging keladi, kunduzi ovqat yeging, kechqurun dam olging. Ishlashga vaqt yo‘q!
***
— Zeboxon, menga ismingiz judayam yoqadi!

— Rahmat. Uni tug‘ilgan kunimga sovg‘a qilishgan.
***
Dunyodagi eng omadsiz baliqchi chuvalchangining 14 yoshini nishonladi.
***
E, xudoyim, meni katta maosh bilan jazola! “Shuncha pulni nimaga sarflayman endi”, deb bir qiynalay!
***
Erta tongda turiboq, ko‘zguga qaradim. O‘zimni tanimadim… Demak, endi boy bo‘lar ekanman.
***
Onasinikiga ketib qolgan xotin eriga qo‘ng‘iroq qildi:

— Ketganimga olti hafta bo‘ldi. Nahotki, qo‘ng‘iroq qilib aytadigan birorta so‘zingiz ham bo‘lmasa-ya?!

— Bor!

— Ayting!

— Rahmat!
***
Aslini olganda ishga borishim kerakligini to‘g‘ri qabul qilaman. Ammo u yerda o‘tirib, uyga qaytish vaqtini naq 8 soat kutish azob!
***
— Dadajon, oyim siz uyda paypoqda shippaksiz yurishingizni tayinladilar, — dedi bola otasiga.

— Nimaga? — so‘radi ota.

— Nimagaligini dadangga aytma, degandilar. Bu ikkalamizning kichkinagina sirimiz bo‘lib qolarkan.

— Aytaqol, iltimos, ona qizim?

— Mayli, faqat oyim bilmasin. Kecha shu uydagi gilamning ustida igna yo‘qotib qo‘ygan ekanlar, shuni o‘zingiz topib berishingizni xohlayaptilar…
***
— Menga oyijonim, har bitta olgan “besh” bahoim uchun bittadan shirin kulcha olib beradilar, — maqtandi bir qiz do‘konda.

— Ha, ko‘rinishingdan a’lochi qizga o‘xshab turibsan!
***
— Dadasi, rostini ayting, menga gilam olib berasizmi, yo‘qmi?

— Hozircha, supurgida uchib tur!
***
Yaqinda “Nimani maqtasang, o‘shasiz qolasan”, degan bir ajoyib gapni eshitib qoldim. Shunday ekan azizlarim, yaxshilab eshitib olinglar… Men 2ta kreditim va ortiqcha vaznim bilan maqtanyapman!
***
Xotinga maoshning hammasini berish qiyin emas. Uni maoshning hammasi shu ekanligiga ishontirish qiyin.
***
— O‘rtoq haydovchi, mumkin emasligini bila turib, nega mashinangizning oynalarini qoraytirib oldingiz?

— Chunki men mashinani yomon haydayman!

— Nima, bu yordam beradimi?

— Albatta, kim ekan, deb qaraganlardan uyalib, bekinaman!
***
Tiqilinch avtobusda bir qiz oyog‘ini bosib olgan yigitga baqirdi:

— Hayvon!

— Tanishganimdan xursandman!
***
Tadbirkor ayolning biznes plani:

Erdan pul undirish!
***
— Bir narsaga hayronman, — dedi ayol dugonasiga. — Erkaklar bizga avvaliga shirinlik, turli-tuman shokoladlar sovg‘a qilishadi-da, keyin o‘zlari “Nega semirib ketayapsan?” deb hayron bo‘lishadi. Undan ko‘ra faqat brilliant ziraklar sovg‘a qilishsin, yaraqlab yuraylik!..

Manba: tasvir.uz “Zamin” yangiliklarini “Instagram”da kuzatib boring