“Umidaxon o‘z yo‘nalishini topolmayapti”

Xonanda Umidaxon jurnalistlar bilan suhbatda, ijodiga o‘zi baho berdi.

— Taronalarning mazmun jihatdan yaxshilanib borayotgani nafaqat menda, balki boshqa san’atkorlar ijodida ham sezilayapti. Maqtanishga yo‘ymang-u, yettidan yetmish yoshgacha bo‘lgan muxlislarim bor. Ijodimni boshlaganimdan buyon hammaga birdek ma’qul keladigan qo‘shiqlar yaratishga harakat qilayapman, garchi “Umidaxon o‘z yo‘nalishini topolmayapti” deyishsa ham.

Men bir xillikni yoqtirmayman, shunga ham o‘zimni turli yo‘nalishlarda sinab ko‘raman. Bugun san’atkor bo‘laman deganlar ko‘p, ba’zilar ashula aytish ish ekanmi, deydi ham. Lekin Xudo yuqtirgan iste’dodingiz bo‘lmasa, bari bekor. San’atkorning qalbi pokiza, niyati xolis bo‘lsa, tanlagan yo‘lida g‘irromlik, aldovlardan foydalanmasa, ko‘zlagan maqsadiga erishadi. Hammasi niyatga bog‘liq. “Zamin” yangiliklarini “Telegram”da kuzatib boring