19:07 / 09.05.2020

Hind kinosining eng chiroyli 5 ta juftligi (Foto)

Hind kinolarida sevishganlar obrazini mahorat bilan ijro etib, tomoshabinlar qalbini zabt etgan juftliklar haqida so‘z yuritamiz.

Shohruh Xon va Kajol

^{Foto: Getty Images}
1990—2000 yillardagi filmlarning eng sevimli juftligi. «O‘g‘irlanmagan kelin» — aktyorlar karerasidagi eng mashhur filmlardan biri hisoblanadi.
Juftlik ishtirokidagi «Firibgar», «Hayotda hamma narsa bo‘lishi mumkin», «Gohi shodlik, gohi g‘am», «Mening ismim Xon» filmlari ham muvaffaqiyat qozongan.
Shohruh va Kajol so‘nggi marta Rohit Shettining «Sevishganlar» filmida birgalikda rol ijro etgan. Aktyorlar hayotda ham do‘stona munosabatda.

Ayshvariya Ray va Ritik Roshan

^{Foto: Getty Images}
Ayshvariya va Ritik ishtirokidagi filmlar tomoshabinlar qalbidan joy olgan. Ular «O‘tinch», «Jodha va Akbar», «Tezlik» kabi filmlarda sevishganlar obrazini mahorat bilan ijro etgan.

Akshay Kumar va Katrina Kaif

^{Foto: Getty Images}
«Salom, London», «Qirol Singh», «Xush kelibsiz» kabi filmlar Akshay va Katrinani hind kinosining eng chiroyli juftliklaridan biriga aylantirgan.
Akshay va Katrina doim hayotda ham do‘st ekanliklarini aytadi. 2020 yilning oxirida ular bosh rolni ijro etgan film ekran yuzini ko‘radi.

Ranvir Singh va Dipika Padukon

^{Foto: Getty Images}
Dipika va Ranvirning bir-biriga bo‘lgan muhabbati «Ram va Lila», «Bajirao va Mastani» hamda «Padmavat» kabi filmlarning muvaffaqiyatli chiqishini ta’minlagan.

«Bajirao va Mastani» 9 ta Filmfare mukofotini qo‘lga kiritib, Bollivudning eng ko‘p mukofotlangan filmlaridan biri bo‘lgan.
Ekrandagi muhabbat hayotga ham ko‘chib, ushbu juftlik turmush qurishga qaror qilgan. Hozirda ular birgalikda baxtli hayot kechirmoqda.

Varun Dxavan va Aliya Bxatt

^{Foto: Getty Images}
Ushbu juftlik «Yil talabasi» filmida ilk marta rol ijro etganida tomoshabinlar tomonidan iliq kutib olingan.
Varun va Aliya «Badrinathning qallig‘i», «Chegara» va «Yosh va go‘zallar» filmlarida ham sevishganlar rolini mahorat bilan ijro etgan.