Turkiyaning eng taniqli aktyorlaridan biri – Burak O‘zchivit qanday uyda yashaydi? (video)

^{Foto: Star hit}
Aktyor Burak O‘zchivit va uning rafiqasi aktrisa Fahriye Evjen bir necha yildan buyon 4 qavatli qasrda yashaydi. U yerda oila uchun kerak bo‘lgan barcha sharoitlar mavjud.

Yulduzli juftlikning yashash makoni juda ko‘pchilikka qiziq bo‘lgani uchun ham ular bu borada ko‘p narsani sir saqlaydi. Ammo shunisi ma’lumki, uy to‘rt qavatdan iborat bo‘lib, yam-yashil bog‘ va suzish havzasiga ega.

Shuningdek, uyning oldidagi maysazor oilaning sevimli dam olish joyiga aylangan. Aynan shu yerda aktyor va aktrisaning tushgan bir qancha suratini ko‘rish mumkin. Bundan tashqari derazalari bo‘lgan ulkan panoramali terrasa mavjud bo‘lib, u yerda uy egalari hordiq chiqaradi.

^{Foto: Star hit}
Aytgancha, uyda xizmatkorlar yo‘q. Ular faqatgina vaqti-vaqti bilan tozalash ishlarini amalga oshirovchi maxsus kompaniya xodimlariga murojaat qiladi. «Fahriye uy ishlarini o‘zi bajarishni yoqtiradi. U tozalikni yaxshi ko‘radigan haqiqiy uy bekasi. Ayniqsa, uning qo‘li shirin, ajoyib oshpaz. Ish jarayonida tushlikda turmush o‘rtog‘im tayyorlagan ovqatdan iste’mol qilaman. U suratga olish maydonchasiga men uchun tayyorlagan ovqatlarni olib keladi», − deydi O‘zchivit.

^{Foto: Star hit}
Bundan tashqari uning turmush o‘rtog‘i uy uchun mebellarni ham hech qanday dizaynerlar yordamisiz o‘zi tanlagan. Uy ichi yorqin rangga bo‘yalgan. Devorlar ham shunday ko‘rinishda, deyarli, rasmlar ilinmagan. Birinchi qavatda ajoyib ko‘rinishga ega qizil rangdagi divanni uchratish mumkin.

^{Foto: Star hit}
Uy bezaklarida ko‘proq yog‘och va marmar kabi tabiiy materiallardan foydalanilgan.

^{Foto: Star hit}
Juftlik g‘ayrioddiy buyumlarga juda ham qiziqadi. Dunyoning turli burchaklaridan olib kelingan elementlarni aynan shu uydan topish mumkin. Shuningdek, ikkisi ham hayvon haykalchalarini to‘plashga juda qiziqadi.

^{Foto: Star hit}
Yulduzli oilaning turargohi Istanbulning eng yaxshi burchaklaridan birida − balandlikda joylashgan bo‘lib, u yerdan shaharning ajoyib manzarasini tomosha qilish mumkin.

^{Foto: Star hit}
“Zamin” yangiliklarini “Facebook”da kuzatib boring