2024 yilda oʻzbek soʻmining AQSh dollariga nisbatan qadrsizlanishi oʻtgan yilga nisbatan sekinlashdi. Markaziy bank ma'lumotlariga koʻra, oʻtgan yilning oxirida 1 AQSh dollarining qiymati 12 ming 352 soʻmni tashkil etgan boʻlsa, joriy yil yakunida bu koʻrsatkich 12 ming 904 soʻm boʻldi. Yil davomida milliy valyuta 552 soʻm yoki 4,47 foizga zaiflashdi.
Ma'lumot uchun, soʻm 2022 yilda 3,94 foizga, 2023 yilda esa 9,7 foizga qadrsizlangandi.
2025 yil byudjet parametrlarida dollar kursi oʻrtacha yillik 13 250 soʻmdan hisoblangan. Bu koʻrsatkich 2026 yil uchun 13 725 soʻm, 2027 yil uchun 14 150 soʻm boʻlishi prognoz qilinyapti.
S&P xalqaro reyting agentligiga koʻra, oʻzbek soʻmining dollarga nisbatan oʻrtacha kursi keyingi yillar davomida quyidagicha boʻlishi mumkin.
- 2025 yilning oxirida – 13 650 soʻm;
- 2026 yilning oxirida – 14 300 soʻm;
- 2027 yilning oxirida – 15 000 soʻm.
Soʻmning dollarga nisbatan kursini aniq prognoz qilish juda murakkab, chunki bu koʻplab omillarga bogʻliq. Xususan, Oʻzbekistonda iqtisodiy oʻsish yaxshi boʻlsa, soʻmning dollarga nisbatan qadrsizlanishi sekinlashadi. Aksincha, mamlakatda inflyatsiya darajasi oshib ketsa, soʻmning qadri pasayadi. Tashqi savdoda eksport-import balansi ham milliy valyuta qiymatining shakllanishida muhim ahamiyat kasb etadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
