O‘zbekistonda oxirgi yillarda uy-joy qurilishi hajmi sezilarli tarzda o‘sib borayotgani kuzatilmoqda. Milliy statistika qo‘mitasi e’lon qilgan ma’lumotlarga ko‘ra, bu yo‘nalishda faoliyat ko‘rsatayotgan korxonalar soni ham yil sayin ortib bormoqda.
Xususan, 2025 yilning 1 avgust holatiga mamlakatimizda qurilish sohasida jami 29 232 ta korxona faoliyat yuritmoqda. Bu ko‘rsatkich yil boshidan buyon 1 824 taga ko‘paygani qayd etildi.
Ta’kidlanishicha, uy-joy qurilishiga oid korxonalar hududlar bo‘yicha quyidagicha taqsimlangan:
Toshkent shahri – 7 078 ta korxona;
Toshkent viloyati – 2 640 ta;
Farg‘ona viloyati – 2 177 ta;
Samarqand viloyati – 2 164 ta;
Buxoro viloyati – 2 079 ta;
Qashqadaryo viloyati – 2 009 ta;
Surxondaryo viloyati – 1 903 ta;
Andijon viloyati – 1 690 ta;
Qoraqalpog‘iston Respublikasi – 1 506 ta;
Xorazm viloyati – 1 452 ta;
Namangan viloyati – 1 350 ta;
Jizzax viloyati – 1 196 ta;
Navoiy viloyati – 1 154 ta;
Sirdaryo viloyati – 834 ta.
