Toshkent shahridagi Bunyodkor ko‘chasining ayrim qismi vaqtincha yopiladi. Bu haqda shahar hokimligi rasmiy ravishda ma’lum qildi.
Shahar ma’muriyatining xabar berishicha, 24/7 Bunyodkor yangi sayr-gastro ko‘chasida yirik ommaviy tadbir o‘tkazilishi munosabati bilan ko‘chaning ichki dublyori 12-sentyabr soat 07:00 dan 15-sentyabr soat 07:00 gacha transport vositalari uchun muvaqqat yopiq bo‘ladi.
Ma’lum qilishlaricha, bu vaqt davomida Bunyodkor ko‘chasining asosiy yo‘li hamda tashqi dublyori esa harakat uchun ochiq qoladi va transport qatnovi odatiy tartibda davom etadi.
Shahar hokimligi aholi va haydovchilardan yo‘nalishlarini rejalashtirishda mazkur cheklovni inobatga olish va imkoniyat bo‘lsa muqobil harakat yo‘nalishlaridan foydalanishni so‘radi. Bu chora tadbirni xavfsiz va samarali tashkil etishga xizmat qiladi.
Hozirda shahar yo‘l xizmatlari harakatni nazorat qilish va yo‘ldagi navbatlarni minimallashtirish choralarini ko‘rmoqda. Shuningdek, ko‘pchilik haydovchilarga onlayn kartalar va navigatsiya dasturlari orqali alternativ yo‘llarni tanlash tavsiya etilmoqda.
“Zamin”ni Telegramʻda oʻqing!
