Samarqand yanada ulkan shaharga aylanmoqda. Prezident matbuot xizmati rahbari Sherzod Asadov ma’lumotiga ko‘ra, Oqdaryo, Payariq, Pastdarg‘om, Toyloq va Samarqand tumanlaridan jami 17,5 ming gektar yer shahri hududiga qo‘shiladi. Shu orqali aholi soni 604 mingdan 882 ming nafargacha oshishi kutilyapti.
Yangilangan shahar ehtiyojini qondirish maqsadida uchta yirik massiv — «Shirin», «Temiryo‘l orti» va «Qorasuv-2»da 700 dan ortiq ko‘p qavatli uylar qurilib, 300 mingdan ziyod aholiga zamonaviy sharoit yaratiladi.
Bu hududlarda maktab, bolalar bog‘chasi, shifoxona, oliygoh, savdo va biznes markazlari, mehmonxona, restoran hamda dam olish maskanlari bunyod etilishi rejalashtirilgan.
Shu bilan birga, kelasi yili 49 ta viloyat tashkiloti «Shirin» massiviga ko‘chiriladi. Yil oxirigacha «Qoradaryo» ustidan o‘tgan 577 metrli ko‘prik foydalanishga topshirilib, yangi massivning markaz bilan bog‘lanishi yengillashadi.
Ispaniyalik investorlar bilan hamkorlikda ushbu uch massivning kanalizatsiya tizimi to‘liq yangilanadi. Yuk harakatini cheklash maqsadida esa magistral yo‘l bo‘ylab 4 ta logistika markazining qurilishi rejada.
Samarqand shaharining bu kengayishi — aholisi tez o‘sib borayotgan qadimiy shaharni yanada qulay, zamonaviy va imkoniyatlarga boy megapolisga aylantirishga qaratilgan muhim qadam sifatida baholanmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
