Oʻzbekistonning bir qator viloyatlarida tuman hokimiyatlarida kadrlar oʻzgarishi yuz berdi. Mahalliy xalq deputatlari kengashlari qarorlari bilan yangi hokimlar tayinlandi. Bu haqda podrobno.uz xabar beradi.
Sirdaryo viloyati Boyovut tumaniga Niyoz Hazratqulov hokim etib tasdiqlandi. 42 yoshli Hazratqulov tayinlovga qadar Shirin shahri hokimi lavozimida ishlagan. Endilikda Shirin shahriga Dilfuza Kambarova rahbarlik qiladi. Boyovut tumani avvalgi hokimi Dilfuza Uralova esa boshqa ishga oʻtgani munosabati bilan lavozimidan ozod etildi.
Namangan viloyati Uychi tumaniga esa Muzaffar Abdullaev hokim etib tayinlandi. 41 yoshli Abdullaev oliy iqtisodiy maʼlumotga ega bo‘lib, bungacha viloyat iqtisodiyot va moliya boshqarmasi boshlig‘ining birinchi o‘rinbosari sifatida faoliyat yuritgan. U lavozimdan ozod qilingan Shuxrat Musaev oʻrnini egalladi; Musaev tuman kengashidagi deputatlik vakolatidan ham mahrum etilgan.
Eslatib o‘tamiz, bugun Namangan viloyatining Yangi Namangan tumaniga ham yangi rahbar tayinlangan — hokimlikka Adham Karabaev kelgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
