Soliq qo'mitasi yakka tartibdagi tadbirkorlar va o'zini o'zi band qilganlar uchun Paynet Xolis mobil ilovasini o'rnatish majburiy emasligini ma'lum qildi. Idora bu yechimdan foydalanish ixtiyoriy ekanini ta'kidladi. Bu haqda podrobno.uz xabar beradi.
Qo'mita izohiga ko'ra, shaffof tadbirkorlik muhitini shakllantirish uchun ishlab chiqilgan ilova hech kimga majburan o'rnatilmasligi kerak.
Agar soliq organlari xodimlari tomonidan bosim bo'lsa, soliq to'lovchilarga 1198 qisqa raqamiga qo'ng'iroq qilish yoki hududiy soliq inspeksiyalariga murojaat etish tavsiya etildi.
Shuningdek, qo'mita boshqa vazirlik va idoralar hamda to'lov tashkilotlari bilan birgalikda yangi servislar ustida ish olib borayotganini bildirdi. Ushbu tashabbuslar tadbirkorlarni rasmiy sektorga ixtiyoriy o'tishga rag'batlantirish va ular uchun mavjud raqamli vositalarni kengaytirishga qaratilgan.
Bayonot internetda paydo bo'lgan e'tirozlar fonida yangradi: ayrim tadbirkorlar soliq xodimlari ilovani o'rnatishni talab qilayotganidan shikoyat qilgan. Holat yuzasidan Podrobno.uz tahririyati Soliq va Monopoliyaga qarshi qo'mitalarga murojaat yo'llagan, biroq hozircha rasmiy javoblar kelib tushmagan.
Avvalroq prezident Shavkat Mirziyoyev 2026 yilga borib yashirin iqtisodiyot ulushini 45–50 foizdan 28 foizgacha kamaytirish rejalashtirilayotganini, asosiy soliq stavkalari esa o'zgarishsiz qolishini aytgandi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
