Shunga ko‘ra, Toshkent shahrida havo o‘zgaruvchan bo‘ladi. Kechasi va ertalab ayrim paytlarda yomg‘ir qorga aylanishi mumkin, kunduzgi vaqtda esa yog‘ingarchilik kutilmaydi. Shamol g‘arbdan 5–10 m/s tezlikda esadi. Harorat kechasi 1–4 daraja sovuq, kunduzgi paytda 0–3 daraja iliq bo‘ladi.
Qoraqalpog‘iston Respublikasida havo asosan bulutli bo‘ladi, yog‘ingarchilik deyarli kutilmaydi. Ayrim hududlarda tuman tushishi mumkin. Shamol g‘arbdan 7–12 m/s, ba’zi joylarda 15–20 m/s gacha kuchayishi ehtimoli bor. Harorat kechasi 8–13 daraja sovuq, Ustyurtda 18 daraja sovuqqacha, kunduzgi paytda 2–7 daraja sovuq bo‘ladi.
Xorazm viloyatida havo bulutli, ba’zi joylarda qor yog‘ishi mumkin. Tuman kuzatilishi ehtimoldan xoli emas. Shamol g‘arbdan 7–12 m/s, ayrim joylarda kuchayishi mumkin. Harorat kechasi 5–8 daraja sovuq, kunduzgi paytda 0–3 daraja sovuq atrofida bo‘ladi.
Buxoro va Navoiy viloyatlarida havo o‘zgaruvchan bo‘ladi, vaqti-vaqti bilan yomg‘ir va qor yog‘ishi mumkin. Ayrim hududlarda tuman tushadi. Shamol g‘arbdan 7–12 m/s, ba’zi joylarda 15–18 m/s gacha kuchayadi. Harorat kechasi 4 daraja sovuqdan 1 daraja iliqqacha, cho‘l hududlarda esa 8–10 daraja sovuq, kunduzgi paytda 1–5 daraja iliq bo‘ladi.
Toshkent, Sirdaryo, Jizzax va Samarqand viloyatlarida havo o‘zgaruvchan bo‘lib, ayrim joylarda yomg‘ir va qor yog‘ishi mumkin. Ertalab tuman tushishi ehtimoli bor. Shamol g‘arbdan 7–12 m/s tezlikda esadi. Harorat kechasi 2 daraja sovuqdan 2 daraja iliqqacha, kunduzgi paytda 2–6 daraja iliq bo‘ladi.
Qashqadaryo va Surxondaryo viloyatlarida havo bulutli bo‘ladi, ba’zi joylarda yomg‘ir va qor yog‘ishi mumkin. Ayrim hududlarda tuman tushadi. Shamol g‘arbdan 7–12 m/s, ba’zi joylarda 15–18 m/s gacha kuchayadi. Harorat kechasi 0–4 daraja iliq, kunduzgi paytda 6–10 daraja iliq bo‘ladi.
Andijon, Namangan va Farg‘ona viloyatlarida havo o‘zgaruvchan, asosan yog‘ingarchilik kutilmaydi, ertalab tuman tushishi mumkin. Shamol yo‘nalishini o‘zgartirib, sharqdan 5–10 m/s tezlikda esadi. Harorat kechasi 2–6 daraja sovuq, kunduzgi paytda 1–4 daraja iliq bo‘ladi.
Respublikaning tog‘li hududlarida havo bulutli bo‘lib, ayrim joylarda qor yog‘adi. Tuman tushishi, yo‘llarda yaxmalak hosil bo‘lishi mumkin. Qor ko‘chishi xavfi saqlanib qoladi. Shamol sharqdan 7–12 m/s tezlikda esadi. Harorat kechasi 5–10 daraja sovuq, kunduzgi paytda 0–5 daraja sovuq bo‘ladi.
Xullas, 22 yanvar kuni respublika bo‘ylab havo qishona kayfiyatda bo‘ladi: ayrim hududlarda qor, ko‘p joylarda sovuq va tuman kuzatiladi. Yo‘lga chiqishda ehtiyotkor bo‘lish tavsiya etiladi.
“Zamin”ni Telegramʻda oʻqing!
