13:21 / 28.05.2015
9 119

IELTS sertifikatiga ega bo‘lmaganlar ham Toshkentdagi Inha universitetida o‘qishi mumkin bo‘ladi

IELTS sertifikatiga ega bo‘lmaganlar ham Toshkentdagi Inha universitetida o‘qishi mumkin bo‘ladi
IELTS tizimi bo‘yicha guvohnoma olishga ulgurmagan abiturientlar uchun Inha universiteti rahbariyati tomonidan ajoyib imkoniyat yaratildi, deb yozmoqda Daryo nashri.

Endilikda mazkur abiturientlar onlayn tarzda Toshkentdagi Inha universiteti saytida ro‘yxatdan o‘tishlari mumkin. Ro‘yxatdan o‘tganlar ingliz tilidan imtihon topshirish imkoniyatiga ega bo‘ladi. Hujjatlarni sayt orqali onlayn ro‘yxatdan o‘tkazish 2015 yilning 26 iyuniga qadar davom etadi.

Eslatib o‘tamiz, Universitetga kirish imtihonlarida eng yuqori natija ko‘rsatgan 10 nafar talaba universitet muassislari tomonidan ajratilgan grantlar asosida bepul o‘qish huquqini qo‘lga kiritadi. Shuningdek, o‘quv semestri yakunlari bo‘yicha eng yuqori natija ko‘rsatgan yana 10 nafar talaba keyingi semestrda bepul o‘qish huquqini qo‘lga kiritadi.

2015/2016-o‘quv yilida jami 250 nafar iqtidorli o‘g‘il-qizlarni o‘qishga qabul qilish rejalashtirilgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » IELTS sertifikatiga ega bo‘lmaganlar ham Toshkentdagi Inha universitetida o‘qishi mumkin bo‘ladi
[/banner_pushhouse