O‘zbekistonning Qatardagi elchixonasi ma’lum qilishicha, Qatar havo hududining vaqtincha yopilishi sababli Doha shahrida joylashgan Hamad xalqaro aeroportida Toshkentga qaytishi kerak bo‘lgan 48 nafar fuqaro qolib ketgan.
Ma’lumotlarga ko‘ra, aviareyslar vaqtincha to‘xtatilgani bois yo‘lovchilarni joylashtirish masalasida muammo yuzaga kelgan. Elchixona xodimlari zudlik bilan vaziyatga aralashib, fuqarolarni vaqtinchalik mehmonxonalarga joylashtirishga erishgan.
Ta’kidlanishicha, Qatar havo hududi qayta ochilishi bilan o‘zbekistonliklarning vatanga xavfsiz qaytishi ta’minlanadi. Vaziyat elchixona nazoratida bo‘lib, fuqarolardan vahimaga berilmaslik va faqat rasmiy manbalarga tayanish so‘ralmoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
