O‘zbekistonda AI-92 markali benzin narxi bir kunda sezilarli darajada oshdi. Bu haqda O‘zbekiston Respublika tovar-xom ashyo birjasi e’lon qilgan so‘nggi ma’lumotlarda qayd etildi.
Ma’lum qilinishicha, AI-92 benzinining bir tonnasi narxi bir kun ichida 7,4 foizga qimmatlab, 12,72 million so‘mga yetgan.
Narx oshishi savdo hajmining kamayishi bilan bir vaqtga to‘g‘ri kelgan. Birja ma’lumotlariga ko‘ra, benzin savdosi hajmi ikki baravardan ko‘proqqa qisqargan. Masalan, 13 mart kuni bozorda 3784 tonna benzin sotilgan bo‘lsa, 10 mart kuni bu ko‘rsatkich atigi 1835 tonnani tashkil etgan.
Iqtisodchi Otabek Bakirov o‘z ijtimoiy tarmoqdagi sahifasida yoqilg‘i bozoridagi holatni tanqid qildi. Uning ta’kidlashicha, neft narxlarining o‘sishi monopoliyaga ega kompaniyalar uchun qo‘shimcha bahonaga aylangan.
Bakirov shuningdek, metan quyish shoxobchalarining qachon ish boshlashi haqida aniq ma’lumot berilmagan holda yopib qo‘yilgani ham vaziyatni yanada murakkablashtirganini ta’kidlagan.
“Zamin”ni Telegramʻda oʻqing!
