Toshkentdan Chorvoqqa muntazam avtobus qatnovi ichki turizmni qo'llab-quvvatlash va aholi hamda mehmonlar uchun transport imkoniyatlarini yaxshilash ishlari doirasida 2026 yil 23 martdan qayta yo'lga qo'yiladi.
Qayta tiklangan 1226-sonli yo'nalishga Toshshahartransxizmat tarkibidagi Toshavtobustrans kompaniyasi xizmat ko'rsatadi. Yo'nalish Mashinasozlar metro bekatidan Chorbog'ga, ya'ni Humsоn qal'asigacha qatnaydi.
Yo'lovchilarga 47 o'rinli va konditsionerli zamonaviy MAN RR3 sayyohlik avtobuslari xizmat ko'rsatadi. Yo'l haqi 25 000 so'm etib belgilandi, yo'lovchilar esa to'lovni naqd pulda yoki bank kartasi orqali amalga oshirishlari mumkin bo'ladi.
Avtobuslar har kuni Mashinasozlar metro bekatidan soat 6:00 dan yo'lga chiqadi. Qatnovlar har 1,5 soatda amalga oshiriladi, safar esa taxminan 1 soat 30 daqiqa davom etadi. Chorvoq tomondan oxirgi avtobus soat 20:30 da jo'nab, Mashinasozlar metro bekatiga soat 22:00 da yetib keladi.
Yo'nalish Humsоn qal'asiga yetib borgunga qadar Maxtumquli ko'chasi, Yangi O'zbekiston bog'i, Xo'jikent hududi va Chinorkent orqali o'tadi.
“Zamin”ni Telegramʻda oʻqing!
