Jahon meteorologiya tashkiloti mutaxassislari bergan prognozlarga ko‘ra, 2026–2030 yillar oralig‘ida Yer sayyorasidagi o‘rtacha harorat rekord darajaga chiqishi mumkin. Olimlar ayniqsa 2027 yilni kuzatuvlar tarixidagi eng issiq yil bo‘lishi ehtimoli yuqori deb baholamoqda.
Ta’kidlanishicha, global iqlim o‘zgarishi, atmosferada issiqxona gazlarining ko‘payishi va tabiiy jarayonlardagi o‘zgarishlar haroratning keskin oshishiga sabab bo‘lmoqda. Mutaxassislar fikricha, so‘nggi yillarda kuzatilayotgan issiqlik to‘lqinlari, qurg‘oqchilik va o‘rmon yong‘inlari ham ushbu jarayonning yaqqol belgisi hisoblanadi.
Olimlar ma’lumotiga ko‘ra, dunyodagi o‘rtacha harorat sanoat inqilobidan oldingi davrga nisbatan allaqachon 1,5 darajaga yaqinlashgan. Bu esa muzliklarning tez erishi, dengiz sathining ko‘tarilishi va ayrim hududlarda ekstremal ob-havo holatlarining ko‘payishiga olib kelishi mumkin.
“Zamin”ni Telegramʻda oʻqing!
