6 476
Butun Rossiya patriarxi: "Amerika, Yevropa siyosatchilarini O‘zbekistonga chaqiring, hech qayerda bunday diniy bag‘rikenglik yo‘q!"
Butun Rossiya va Moskva patriarxi Kirill O‘zbekistonga tashrifidan juda katta taassurot oldi. Rus pravoslav cherkovi Toshkent yeparxiyasi mitropoliti Vikentiy 4 oktyabr kuni Xalqaro Press-klubda bo‘lib o‘tgan "O‘zbekiston Prezidenti Sh.M.Mirziyoyevning AQShga tarixiy tashrifi yakunlari. Bag‘rikeng Islom: tinchlik va ezgulik dini" mavzusidagi sessiyasida so‘zga chiqar ekan, shu haqida ma’lum qildi.
Mitropolit Vikentiy patriarx Kirillning O‘zbekistonga tashrifi uchun Prezident Shavkat Mirziyoyevga minnatdorchilik bildirdi. Uning so‘zlariga ko‘ra, patriarx O‘zbekistonning Toshkent, Samarqand va Buxoro shaharlarida bo‘lib, ko‘plab muqaddas dargohlar va obidalar bilan tanishgan. U islom dini mehr-muhabbatni targ‘ib qilishini ta’kidladi. Oddiy xalq orasida bo‘lgan patriarx o‘zbek xalqining mehr-muhabbatini his qilgani, bu esa bag‘rikenglik juda katta ahamiyatga ega ekanini ta’kidladi.
Patriarx Kirill O‘zbekistondagi cherkov, ibodatxonalar va turli binolarni ko‘rib, O‘zbekistonda din va e’tiqodga bo‘lgan hurmatga tan berdi. "Amerika, Yevropa siyosatchilarini O‘zbekistonga chaqiring, kelib ko‘rishsin. Bunday bag‘rikenglik hech qayerda yo‘q! Men bu yerda ko‘rganlarimni hamma yerda va har doim aytaman. Bu yerda odamlarning samimiy mehr-muhabbati va hurmatini his qildim", - dedi patriarx.
Metropolit Vikentiyning ta’kidlashicha, patriarx Kirill oddiy xalq orasida bo‘lgan, ular bilan tanishgan va O‘zbekistondagi mavjud ulug‘ qadriyatlarni saqlab qolishga chaqirgan. U barcha dinlar tinchlik va totuvlikka chorlashini ta’kidlagan. Shu o‘rinda patriarx Kirill O‘zbekiston Prezidenti Shavkat Mirziyoyevning "Biz noxush asoratlar bilan kurashishimiz emas, ularning oldini olishimiz kerak" degan gaplariga alohida e’tibor qaratgan.
"Patriarx Kirill ketish oldidan shunday ajoyib bir gap aytdi: O‘zbekistondan Rossiyaga ketgan odamlar u yerning eng yaxshi odamlari bo‘ladi, chunki ular tarbiyali odamlardir", - deydi mitropolit Vikentiy.
Manba: Kun.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Eron Afg‘oniston bilan chegarasida beton devor qurishni boshladi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
Toshkent viloyatida ikki yigit taksi haydovchisining joniga qasd qilmoqchi bo‘ldi
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi