“Tatneft” O‘zbekistonda AYoQSh tarmog‘ini qurishni rejalashtirmoqda

Rossiyaning «Tatneft» kompaniyasi O‘zbekistonda yoqilg‘i qo‘yish shahobchalarini qurishni rejalashtirmoqda. Birinchi bosqichda Toshkent viloyatida 22 ta AYoQSh quriladi, deb xabar bermoqda «Sputnik».

«Tatneft»ning ushbu loyihasi 2019 yilning bahor oyida boshlanadi. Qayd etilishicha, «Tatneft» O‘zbekistondagi AYoQShlariga o‘z yoqilg‘isini yetkazib beradi. Tayyor mahsulotlarini saqlash uchun «O‘znefteprodukt» AJ rezurvuarlarini ijaraga oladi.

«Tatneft» — Rossiya neft kompaniyasi hisoblanadi va u 1950 yili tashkil qilingan. Kompaniya shtab-kvartirasi Almetevsk shahrida (Tatariston) joylashgan. Rossiyada neft qazib olish bo‘yicha beshinchi o‘rinda turadi. “Zamin”ni Telegramʻda oʻqing!