07:37 / 17.08.2020
1 891

Kecha 628 kishida koronavirus aniqlandi, 930 kishi kasallikdan forig‘ bo‘ldi

Kecha 628 kishida koronavirus aniqlandi, 930 kishi kasallikdan forig‘ bo‘ldi
Shu yilning 16 avgust kuni mamlakatimizda 628 holatda kasallik qayd etilgan bo‘lib, barchasi tana harorati ko‘tarilganligi bois profilaktika maqsadida hamda koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.

Sog‘liqni saqlash vazirligi Jamoatchilik bilan aloqalar bo‘limi bo‘limi xabariga ko‘ra, kun davomida Toshkent shahrida 4 nafar, Buxoro va Toshkent viloyatlarida 1 nafardan, jami 6 nafar koronavirusga chalingan bemor vafot etdi.

E’tiborli jihati, bugun Toshkent shahri, Qoraqalpog‘iston Respublikasi, Toshkent, Samarqand, Buxoro, Sirdaryo, Navoiy, Andijon, Qashqadaryo hamda Farg‘ona viloyatlarida jami 930 nafar bemor sog‘aydi.

Hozirda kasallik qayd etilgan jami 35 329 nafar bemordan 30 973 nafari sog‘ayib, davolanish ko‘rsatkichi 87 foizni tashkil etmoqda.
Ayni paytda tibbiyot muassasalarida davolanayotgan 4 124 nafar bemordan 813 nafari og‘ir, 234 nafari esa o‘ta og‘ir ahvolda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)