Prezident qarori loyihasi: Qiynoq holatlarini aniqlash tizimi takomillashtiriladi

Prezidentning “Qiynoq holatlarini aniqlash va ularning oldini olish tizimini takomillashtirish bo‘yicha qo‘shimcha chora-tadbirlar to‘g‘risida”gi qarori loyihasi e’lon qilindi.Quyidagilar qiynoq holatlarini aniqlash va ularning oldini olish tizimi samaradorligini oshirishning ustuvor yo‘nalishlari etib belgilanadi:

• qiynoq holatlarini aniqlash va ularning oldini olish tizimini xalqaro huquqning inson huquqlari sohasidagi umume’tirof etilgan prinsiplari va normalariga muvofiqlashtirish;
  
• qiynoq holatlarini aniqlash va ularning oldini olish bo‘yicha qonunchilik va huquqni qo‘llash amaliyotini takomillashtirish;
  
• qiynoq holatlari to‘g‘risidagi murojaatlarning tezkor va xolisona ko‘rib chiqilishi hamda aybdor shaxslarning muqarrar javobgarlikka tortilishi mexanizmini takomillashtirish;
  
• qiynoqdan jabrlanganlarga ijtimoiy, huquqiy, psixologik va tibbiy yordam ko‘rsatilishini hamda ularga yetkazilgan zarar kompensatsiya qilinishini ta’minlash;
  
• qiynoq holatlarini aniqlash va ularning oldini olish faoliyatiga fuqarolik jamiyati institutlari keng jalb qilinishini, ularning davlat organlari bilan samarali hamkorligini ta’minlash;
  
• qiynoq holatlarini aniqlash va ularning oldini olish bo‘yicha faoliyat natijalari to‘g‘risidagi ma’lumotlarni keng jamoatchilikka yetkazish;
  
• qiynoqlarning oldini olish borasida xalqaro tashkilotlar, xalqaro nohukumat tashkilotlar hamda xorijiy milliy preventiv mexanizmlar bilan yaqin hamkorlikni yo‘lga qo‘yish.

“Zamin” yangiliklarini “Twitter”da kuzatib boring