Azizbek Abdug‘ofurov Moskva shahrida sobiq jahon chempioni Fedor Chudinovga qarshi jangdan so‘ng unga revansh berishga tayyor ekanini aytib o‘tdi.
30 yoshli Abdug‘ofurov jang o‘zi kutganidan ham og‘irroq kechganini tan oldi, ammo jangga uch oylik tayyorgarlik o‘z samarasini berganini ta’kidladi. U Chudinov ustidan 98:91, 97:93, 97:92 hisobida g‘alaba qozondi.
“Bu men o‘ylaganimdan biroz qiyinroq bo‘ldi, chunki Fedor xarakter ko‘rsatdi va men kutganimdan ham yaxshiroq jang olib bordi. Jang davomida ochkolar bo‘yicha oldinda borayotganimni tushundim, murabbiylarni tingladim va g‘alaba qozonayotganimni his qildim. Istalgan vaqtda revanshni qabul qilaman. Agar Fedor taklif qilsa, biz istalgan vaqtda tayyormiz", - deya Abdug‘ofurovning so‘zlaridan iqtibos keltiradi Match TV.
O‘zbekistonlik bokschining ustozi esa ularga dam olish va ikkinchi jangga tayyorgarlik ko‘rishlari uchun to‘rt oyga yaqin vaqt kerakligini qo‘shimcha qildi.
Professional ringdagi ikkinchi mag‘lubiyatini qabul qilib olgan 33 yoshli Chudinov bu jangda kuchliroq ekanligiga ishonchi komil bo‘lsa-da, revansh olishi kerakligi va hakamlar qaroriga qarshi chiqmasligini aytdi.
"Men har bir raundda bor kuchimni berishga harakat qildim, jang vaqtida yutyapmanmi, yutqazayapmanmi deb o‘ylaganim yo‘q. So‘ngi ikki raund oldidan o‘z burchagimdagilar menga katta ehtimol bilan hisob teng ekanligini va oxirgi ikki raundlarda g‘alaba qozonish kerakligini aytishdi. Xo‘sh, men bu raundlarda o‘zimni ko‘rsta oldim va raqib esa shunchaki harakat qilib turdi. Jang tugagach, menda g‘alabamga hech qanday shubha yo‘q edi. Murabbiylar ham g‘alaba qozonganimni aytishdi, lekin hakamlar bilan bahslashmayman. Ular shunday qilishdimi, demak shunday bo‘libdi."
“Ha, mag‘lubiyat yoqimsiz, ammo bu tajriba. Kelajakda yaxshiroq tayyorlanaman. Mag‘lubiyatlar sizni kuchliroq qiladi. Agar ruxsat berilsa, revansh jangini o‘tkazishni istardim. Bunday jangda ko‘proq intriga bo‘ladi. Ehtimol, odam boks bilan emas, balki jang qilayotgani uchun ular ochko olishadi", - deya qo‘shimcha qildi bokschi.
Chudinov, shuningdek, faoliyatida burilish davri kelganini tan oldi.
"Hamma narsa o‘z nihoyasiga yetadi: yo o‘zingiz tugatasiz, yoki sizni tugatishga majbur qilishadi", dedi bokschi ehtimoliy faoliyatini tugatish borasida. - Ushbu jangdan keyin, albatta, yo‘q, men hali ham harakat qilaman, lekin yana odatdagiday bo‘lsa, raqiblarimni nokautga uchrata olmasam, ular menga boshqa jang berishmaydi. Shunday qilib, men doim ustunlikda jang qilishni o‘rganishim kerak yoki raqiblarni ikkita zarba bilan yiqitishim kerak."
Ushbu mag‘lubiyat WBC tomonidan 12-o‘rinda qayd etilgan, ta’qiq sabab ismi reytingdan chiqarilganga qadar, WBA reytingida 2-o‘rinda borayotgan rossiyalik bokschi uchun katta muvaffaqiyatsizlikdir.
Chudinov hozirda 25-3-1 (17 KO) rekordga tushgan bo‘lsa, Abdug‘ofurovniki 14-1 (5 KO) ko‘rinish oldi. Shuni ham ta’kidlash kerakki, Abdug‘ofurov qariyb 4 yil oldin Fedorning akasi Dmitriy Chudinovni ham mag‘lub etgan edi.
Azizbek Abdug‘ofurov1, Fedor Chundinov1, WBA reytingi1 “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Tramp Putinga qo‘ng‘iroq qilib, Ukrainadagi urushni muhokama qildi
Immunitetni ko‘tarish uchun 6 ta eng yaxshi vitamin
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
KXDR askarlarlari urushga kirdi. Razvedka nima demoqda?
Ramzan Qodirov Allamjonovga uyushtirilgan suiqasd yuzasidan munosabat bildirdi
Kiyev: Tramp inauguratsiyasigacha «tinchlik rejalari» haqidagi gaplar asossiz
