Superliganing 11-turidan o‘rin olgan AGMK - "Neftchi" (3:1) uchrashuvidan so‘ng mehmonlar bosh murabbiyi Ilhom Mo‘minjonov o‘yin haqidagi fikrlari bilan o‘rtoqlashdi.
O‘yin haqida
- O‘yin jangovar ruhda o‘tdi. Himoya markazidagi qo‘pol xatolarimiz tufayli gol o‘tkazib yubordik. O‘ylaymanki, shogirdlarim xatolarini anglab yetishadi hamda kelgusida bahslarda takrorlashmaydi. Uchrashuv davomida xavfli vaziyatlar yuzaga keltirib, foydalana olmadik. Kelgusi o‘yinlarga tayyorgarlik ko‘ramiz.
- Darvozani ikki o‘yindan beri Akbar To‘rayev qo‘riqlardi, lekin bugun zaxirada qoldirildi. Sababi nima?
- Kechagi mashg‘ulotda Akbar To‘rayev va Shahboz Ubaydullayev jarohat oldi. To‘rayevning qo‘li, Ubaydullayevning oyog‘i shikastlangan. Shu bois, ular bugungi o‘yinni o‘tkazib yuborishdi. Ikkinchi darvozabonimizga imkon berdik. Afsuski, gollar o‘tkazib yubordik. Mashhurjon Muhammadjonov kelgusi bahslarda tajriba orttiradi deb o‘ylayman.
- Birinchi bo‘limda jamoa hujumlarida kamchiliklar kuzatildi. Futbolchining to‘pni uzatishida variantlar kam bo‘ldi. Jamoa asosan himoyalandi. Hujumga esa ko‘pchilik chiqmadi. Natijada hujumga o‘tgan o‘yinchilar to‘pni ortga uzatishdi yoki yo‘qotishdi. Buning sababi nimada?
- Ahamiyat bergan bo‘lsangiz, bundan avvalgi turda qarshi hujum asosida o‘yin tashkil qilgandik. Mashg‘ulotlarda ham bu borada ishlagandik. Afsuski, birinchi golni erta o‘tkazib yubordik. Yaratilgan vaziyatlardan foydalana olmadik. Ikkinchi goldan so‘ng tezda o‘zimizga kelib, hisobni qisqartirdik. Ikkinchi bo‘limda olmaliqliklar yuqori pressingda o‘ynashmadi, biroq uchinchi golga o‘zimiz sababchi bo‘ldik.
- Bugungi o‘yinda zaxirada besh nafar futbolchi bor edi. Buni jarohatlarga bog‘ladingiz. Jarohatlar davomiyligiga sabab nimada?
- Hali hayotimda bunday hodisaga duch kelmaganman. O‘nga yaqin futbolchilarimiz endi tuzala boshlaganda yana ikki o‘yinchimiz safdan chiqdi. Shikoforlarga ham shikoyat qildik. Endi tanaffusga chiqamiz. Kelgusi o‘yinchilargacha ular ham safimizga qaytadi deb umid qilaman. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Har qanday katta yoshdagi kishi yetuk emas
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Blinken Isroildan uchta muammoni hal etishni talab qildi
Pashinyan Armanistonning Mustaqillik deklaratsiyani eng katta muammo va fojia deb atadi
Kreml Ukraina bo‘yicha muzokarada shartlar qo‘yishga urinmoqda
NATO bosh kotibi Ukrainaning frontdagi ahvoli yomonlashganini tan oldi
Borrel YEIning Isroil bilan muloqotini to‘xtatishni taklif qildi
Rossiya armiyasi Kupyanskka kirgani aytilmoqda
