Osiyo Kubogi saralash bosqichi 2-turidan o‘rin olgan Maldiv orollari – O‘zbekiston (0:4) uchrashuvidan so‘ng maldivliklar bosh murabbiyi Franchesko Moreiro fikrlari bilan o‘rtoqlashdi.
"Men o‘yin emas, sizning fikringiz haqida qiziqyapman. Biz juda kuchli jamoaga qarshi zo‘r o‘yin namoyish etdik. Har o‘yinda individual xatolarga yo‘l qo‘ymoqdamiz. Jamoangizning bunday o‘yin ko‘rsatishini kutgandim, bizda tayyorlanishga ko‘p vaqt bo‘lmadi, shunday bo‘lsa-da, shogirdlarim bilan faxrlanaman. O‘yin tugagach, Katanes biz haqimizda iliq fikr bildirdi. U sizning jamoangiz o‘sadi, deb aytdi", – deya gap boshladi Maldiv orollari ustozi.
- Tailand va O‘zbekiston o‘rtasida qanday farq bor?
- Ikkala jamoa ham tamomila o‘zgacha o‘yin uslubiga ega. Tailand juda tezkor o‘yin namoyish etadi, futbolchilari maydonda ochiq joy qidirishadi. O‘zbekiston esa sifatli o‘yin ko‘rsatadi, ayniqsa, hujumdagi o‘yinchi top-darajada (Eldor Shomurodov nazarda tutilmoqda – tahr.), jamoa uzun paslar orqali hujumni rivojlantiradi.
- Bugungi mag‘lubiyatga asosiy sabab Eldor Shomurodovning muvafaqiyatli o‘yinimi yoki jamoaning boshqa qirralari ham ko‘zga tashlandimi?
- Faqatgina bir futbolchi o‘yin taqdirini hal qilmaydi. Futbol jamoaviy o‘yin sanaladi. Biz himoyaviy o‘yin ko‘rsatmadik. Hujumkor o‘yinni yaxshi ko‘ramiz, shu bois raqibga qarshi mardonavor kurashdik.
- Shri-Lanka bilan bo‘lajak o‘yin haqida fikringiz...
- Ilk navbatda, mag‘lubiyatni hazm qilish va unutishimiz lozim. Juda yaxshi o‘ynadik, ammo kerakli natijaga erisha olmadik. O‘yinchilarning ruhiyatini ko‘tarish juda qiyin, ayniqsa, ikki mag‘lubiyatdan so‘ng. Ularni ruhiyatini ko‘tarish kerak. Oxirgi o‘yinda g‘alaba qozonib, o‘z vatanimizga g‘alaba taqdim etmoqchimiz. Keyingi o‘yindan so‘ng g‘alaba haqida gaplashamiz (kuladi).
- Futbolchilik faoliyatingizda braziliyalik Ronaldo bilan suratga tushgan ekansiz...
- Birga o‘ynaganimizda uni Roni deb atardim. 1998 yili "Inter" tarkibida UYEFA Kubogini qo‘lga kiritganmiz. O‘sha va undan keyingi xotiralar hamon yodimda. Hozir ham ijtimoiy tarmoqlar orqali suhbatlashib turamiz. Uning samimiylik, odamiylik xislatlari e’tirof etishga arziydi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH Isroilning ikki vaziriga sanksiya qo‘llamoqchi
Erdo‘g‘on Turkiya Isroil bilan aloqalarini uzganini ma’lum qildi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Borrel YEIning Isroil bilan muloqotini to‘xtatishni taklif qildi
Yaxshi pishgan va mazali anor tanlashga yordam beradigan tavsiyalar
AQSH harbiylari orasida o‘z joniga qasd qilish ko‘paydi
Rossiya armiyasi Kupyanskka kirgani aytilmoqda
Buyrak salomatligi uchun eng foydali sabzavot...
