Bugun Isroil Madrimov va Mishel Soro o‘rtasida revansh jangi o‘tkaziladi

^{Foto: AP}
9 iyul kuni Butunjahon boks assotsiatsiyasi (WBA) yarimo‘rta vazn toifasida ishtirok etuvchi o‘zbekistonlik Isroil Madrimov va fransiyalik Mishel Soro o‘rtasida revansh jangi o‘tkaziladi.

Ushbu bellashuv o‘rin olgan boks kechasi Angliya poytaxti London shahrida soat 23:00 da boshlanadi. Madrimov – Soro bahsi kechaning asosiy jangi – Derek Chisora — Kubrat Pulev bellashuvidan oldin bo‘lib o‘tadi va soat 00:30 da boshlanishi kutilmoqda.

Jangni Zo‘r TV telekanali jonli efirda namoyish etishni rejalashtirmoqda.

Eslatib o‘tamiz, ikkala bokschi 2021 yili 17 dekabrda Toshkentda ringda kuch sinashishgan va rasmiy qarorga ko‘ra, Madrimov 9-raundda texnik nokaut bilan g‘alaba qozongan edi.

Ammo Soro jamoasi hal qiluvchi zarbalar raund yakunlangani to‘g‘risidagi bong jaranglagandan keyin berilganini, referi bahsni vaqtida to‘xtatmaganini asos qilib, rasman revansh jangini talab etishdi. WBA ishni har tomonlama o‘rganib chiqib, o‘z qoidalariga tayangan holda Soro jamoasining talabini qabul qilgan edi. “Zamin” yangiliklarini “Youtube”da kuzatib boring