Saidyoqub Qahramonov UFC’dagi ikkinchi jangida ham gʻalaba qozondi

AQShning Las-Vegas shahrida Toshkent vaqti bilan 10 iyul tongida UFC Vegas 58 musobaqasi boʻlib oʻtdi. Ushbu MMA oqshomida oʻzbekistonlik yakkakurashchi Saidyoqub Qahramonov (10-2) ishtirok etdi. Unga Ronni Lourens (8-2) raqib boʻldi.

Jang Saidyoqubning ustunligida oʻtdi. Uch raund davom etgan jangda sportchi ochkolar evaziga raqibidan ustun keldi. Shu tariqa oʻzbekistonlik yakkakurashchi UFC’dagi navbatdagi gʻalabasini qoʻlga kiritdi.

Qahramonov UFC’dagi debyut jangini Guam vakili Trevin Jonsga qarshi oʻtkazib, raqibini boʻgʻish usuli bilan magʻlub etgandi.

Ma'lumot uchun, Saidyoqub Qahramonov 1995 yilning 14 noyabrida Samarqandda tugʻilgan. Sportchi professional MMA’da oʻnta jang oʻtkazib, ularning 8 tasida gʻolib boʻlgan va ikkita jangda yutqazgan. Magʻlubiyatlaridan birini hozirda UFC’da ishtirok etayotgan Umar Nurmagomedovdan qabul qilib olgan. “Zamin” yangiliklarini “Telegram”da kuzatib boring