“Roma”dan ketishi kutilayotgan Eldor Shomurodovni o‘z safiga qo‘shib olmoqchi bo‘layotgan jamoalar soni oshib bormoqda. Aksariyat xaridorlar A Seriyaning o‘zidan. Avvalroq, “Torino” o‘tkir hujumchiga ehtiyoj sezayotgani bois, Eldor Shomurodov transferi bo‘yicha “Roma”ga murojaat qilgani aytilgandi.
Turin klubi o‘tgan mavsumni 10-pog‘onada yakunladi va tez orada boshlanadigan yangi chempionatda Yevrokuboklarga yo‘llanma beradigan o‘rinlar uchun kurashishni maqsad qilgan.
Jamoa bosh murabbiyi Ivan Yurich klub xo‘jayinlaridan maqsadga erishish uchun yangi o‘yinchilarni olishni so‘rayapti. Bu mutaxassis hujum chizig‘ini keskin kuchaytirish va jamoani tark etgan to‘purar Andrea Belotti o‘rniga munosib o‘rinbosar olish kerak, degan fikrda.
Shomurodov uchun kurashga qo‘shilgan yana ikki klub ham A Seriyaning o‘rtamiyona jamolaridan. Xususan, “Bolonya” o‘tgan mavsumni 13-pog‘onada yakunladi. Bu jamoani ham yozda bir necha hujumchi tark etdi. “Bolonya”ning asosiy to‘purari avstriyalik Marko Arnautovich hisoblanadi. Tajribali hujumchi o‘tgan chempionatda 33 ta uchrashuvda maydonga tushib, raqiblar darvozasini 14 marta ishg‘ol qildi. Bu o‘yinchining 33 yoshga to‘lganini inobatga olsak, “Bolonya”ga yana bir mohir hujumchi kerakligi oydinlashadi.
Chunki jamoa tarkibidagi yana to‘rt nafar hujumchidan uchtasi yosh o‘yinchilar hisoblanadi. Tajribali Nikolo Sansonening gol urish bo‘yicha statistikasi ancha past.
Shu bois, “Bolonya” Eldor Shomurodovni Marko Arnautovichga hujumdagi sherik sifatida olib kelmoqchi.
O‘z navbatida, faoliyati davomida o‘z yurtidan tashqari, Niderlandiya, Italiya, Germaniya, Angliya va Xitoy chempionatlarida o‘ynagan Arnautovich 430 marotaba maydonga tushib, o‘z hisobiga 114 ta gol va 72 ta assist yozdirib qo‘ygan.
Eldor Shomurodovga asosiy tarkibdan joy bermoqchi bo‘lgan uchinchi jamoa sifatida “Sampdoriya” nomi tilga olinmoqda.
O‘tgan mavsum A Seriyada qolish uchun kurashgan bu jamoa yangi chempionat oldidan tarkibini kuchaytirishga qaror qildi. “Sampdoriya” Genuyaning ikkinchi jamoasi hisoblanadi. Shomurodov bu shaharning narigi jamoasi – “Jenoa”da to‘p tepganini yaxshi bilasiz.
Bu jamoa hujumida raqobat biroz kuchli. Unda asosan tajribali o‘yinchilar – 35 yoshli Fransesko Kaputo, 32 yoshli Manolo Gabbyadini, 39 yashar Fabio Kvalyarella bor. Genuyaliklar hujum chizig‘ini yoshartirish maqsadida ukrainalik hujumchi Vladislav Supryagani taklif qilgan. Endi asosiy hujumchi roliga Eldor Shomurodovni olib kelmoqchi bo‘lyapti.
Bu jamoalarning bari o‘zbek hujumchisini keyinchalik sotib olish huquqi bilan ijaraga olmoqchi.
Transfer oynasi yopilishiga ancha vaqt bor. Hali boshqa klublardan ham taklif bo‘lishi kutilyapti. Eldor Shomurodovga o‘zi uchun to‘g‘ri tanlov qilishini tilab qolamiz! “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pashinyan Armanistonning Mustaqillik deklaratsiyani eng katta muammo va fojia deb atadi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Har qanday katta yoshdagi kishi yetuk emas
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Kreml Ukraina bo‘yicha muzokarada shartlar qo‘yishga urinmoqda
Blinken Isroildan uchta muammoni hal etishni talab qildi
Apple dongdor ikki ayfonini rasman eskirgan deb e’lon qildi
