Lionel Messi «PSJ» tarkibida oʻziga xos koʻrsatkich qayd etdi

«PSJ» hujumchisi Lionel Messi Liga 1 6-turi doirasida «Nant»ga qarshi kechgan oʻyinda (3:0) ikkita golli uzatma amalga oshirdi.

Argentinalik futbolchi Frantsiya chempionatining joriy mavsumida uchta gol urdi va 6 ta golli uzatmani oʻz hisobiga yozdirib qoʻydi.

Messi Liga 1 dagi assistlari sonini 20 taga etkazib oldi. Leo «PSJ»ga 2021 yilning yozida kelgan va oʻshandan beri chempionatda 32 ta oʻyin oʻtkazdi.

Statistika hisoblanishi boshlangandan (2006/07) beri faqat Anxel di Mariya Messidan tezroq ushbu koʻrsatkichni qayd etgandi — 31 ta oʻyinda 20 ta golli uzatma. “Zamin” yangiliklarini “Telegram”da kuzatib boring