Coca-Cola Superliganing 19-turidan o‘rin olgan "Nasaf" - "Qo‘qon-1912" (2:1) uchrashuvidan so‘ng mehmonlar bosh murabbiyi Davron Fayziyev matbuot anjumanida ishtirok etdi.
O‘yin haqida
- Qiziqarli o‘yin bo‘ldi. Ketma-ket 7 ta turdan buyon durang o‘ynab kelayotgandik. Bugun ham barchasi durang natijaga qarab ketayotgandek edi. Bugun yutishimiz ham mumkin edi, durang qayd etishimiz ham mumkin edi. Yigitlarga o‘yin uchun rahmat aytaman, kuchli raqib maydonida yomon o‘yin ko‘rsatmadik.
- Jamoaning birinchi bo‘limda o‘yini qovushmaganiga nima sabab deb o‘ylaysiz?
- Barchasiga "Nasaf" aybdor. O‘ynashga bermadi, pressing qildi, nafas rostlashga ham imkoniyat qoldirmadi. Birinchi bo‘limda to‘p nazorati uchun ko‘rsatma bergandim, xatolar bo‘ldi. To‘pni qabul qilish va uzatmalarda kamchiliklarimiz ko‘zga tashlandi.
- Ikkinchi bo‘limda o‘yinni kuchaytirish avvaldan o‘ylangan reja edimi?
- Uchrashuv oldidan yigitlarga qo‘rqmasdan o‘z o‘yinini ko‘rsatishni aytgandim. Birinchi bo‘limdan farqli ravishda ikkinchi bo‘limda ko‘proq vaziyatlarga ega bo‘ldik.
- "Qo‘qon-1912" jamoasi bu yilgi mavsumda muvaffaqiyatli qatnasha olmayotganiga nima sabab deb o‘ylaysiz?
- Buni bilganimda albatta aytardim. O‘yinlarimizni kuzatib borayotgan bo‘lsangiz, hech bir uchrashuvda raqibdan vaziyatlar yaratish bo‘yicha qolishayotganimiz yo‘q. Masalan, "Neftchi", "Navbahor", "Olimpik" va AGMKga qarshi o‘yinlarda vaziyatlardan foydalana olmagan xolatlar ko‘p bo‘ldi. Xatto penaltidan ham gol ura olmadik.
Bugungi o‘yinda bizda yo‘qotishlar bor edi. Masalan markaziy himoyachi Ivan Yosovichning bizga katta foydasi tegishi mumkin edi. Bundan tashqari Anvar Hojimirzayevda ham jarohat bor edi.
- O‘yin so‘ngida hakamlarga jiddiy e’tiroz bildirdingiz. Vaziyat yakunida sizga sariq kartochka ham ko‘rsatildi...
- O‘yin emotsiyalarida bunaqa xolatlar bo‘lib turadi. Biz zaxiradan futbolchini maydonga tushirmoqchi edik, yon hakam buni bosh hakamga ma’lum qildi. Ammo bosh hakam eshitgisi kelmadi va o‘yinni davom ettirishni so‘radi. Men shu vaziyat uchun e’tiroz bildirdim. Qizishib ketgan bo‘lsam uzr so‘rayman. Bunaqa emotsiyalar bo‘lmasa futbolda ishlashning hojati yo‘q. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
Shols va Putin o‘rtasidagi suhbat Kiyevga signal bo‘ldi
20 yoshli o‘zbekistonlik qizni qarindoshi Turkiyaga sotib yubordi
Pashinyan Armanistonning Mustaqillik deklaratsiyani eng katta muammo va fojia deb atadi
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Turkiyaning Harper's Bazaar nashri yil ayolini aniqladi (foto)
