"Nasaf" - "So‘g‘diyona" o‘yinida "kalla qo‘ygan" Tantashev noma’lum muddatga chetlatildi

Avvalroq, Ekspert-hakamlar komissiyasi O‘zbekiston Coca cola Superligasining 21-turidan o‘rin olgan "Nasaf" - "So‘g‘diyona" uchrashuvi bosh hakami Ilgiz Tantashev harakatlariga baho berib, chora ko‘rilishi uchun O‘zbekiston futbol assotsiatsiyasi Hakamlar qo‘mitasiga taqdimnoma kiritgani haqida xabar bergan edik.

Bugun O‘FA Hakamlar qo‘mitasida jamoatchilikning keng e’tiroziga sabab bo‘lgan O‘zbekiston Coca cola Superligasining 21-turidan o‘rin olgan "Nasaf" - "So‘g‘diyona" o‘yinida bosh hakamlik qilgan Ilgiz Tantashev harakatlari o‘rganib chiqildi.

Katta ahamiyatga ega bahsda o‘yin natijasiga ta’sir etadigan qo‘pol xatolarga yo‘l qo‘ygani va jamoatchilik orasida keskin e’tirozlarga sababchi bo‘lgan hakam Ilgiz Tantashev O‘zbekiston Professional futbol ligasi tomonidan o‘tkaziladigan har qanday uchrashuvlarini boshqarishdan nomuayyan muddatga chetlatildi. “Zamin” yangiliklarini “Vkontakti”da kuzatib boring