Futbol olamining eng nufuzli musobaqasi – navbatdagi jahon chempionatiga Osiyo qit’asi mezbonlik qilmoqda. Mundial 20 noyabrdan 18 dekabrga qadar Qatar yashil maydonlarida o‘tkaziladi.
Bo‘lajak jahon chempionatining ayrim e’tiborga molik jihatlarini eslatib o‘tamiz. Dunyodagi eng kuchli terma jamoalar o‘zaro raqobatlashadigan ushbu musobaqa ilk bor Yaqin Sharq hududida tashkil etilmoqda.
Aksariyat musulmon bo‘lgan davlat o‘z tarixida birinchi marta jahon chempionatini qabul qilyapti. Qatar arab mamlakatlari orasida birinchi bo‘lib mundial mezboni sifatida tarixda qoladigan bo‘ldi.
Shuningdek, Qatar jahon chempionatini bir o‘zi qabul qilgan Osiyodagi ilk mamlakat sifatida qayd etildi. Avvalgi jahon chempionatiga 2002 yilda qit’amizdan birdaniga ikki mamlakat – Janubiy Koreya va Yaponiya mezbonlik qilgandi.
Odatdagidek, jahon chempionatida saralash bosqichlaridan muvaffaqiyatli o‘tgan jahonning 32 ta eng kuchli terma jamoasi g‘oliblik uchun kuch sinashadi.
Futbol muxlislari guruh bosqichida quyidagi qarama-qarshiliklar guvohi bo‘ladi:
“A” guruhi: Katar, Ekvador, Senegal, Niderlandiya.
“B” guruhi: Angliya, Eron, AQSH, Uels.
“C” guruhi: Argentina, Saudiya Arabistoni, Meksika, Polsha.
“D” guruhi: Fransiya, Avstraliya, Daniya, Tunis.
“Ye” guruhi: Ispaniya, Kosta-Rika, Germaniya, Yaponiya.
“F” guruhi: Belgiya, Kanada, Marokash, Xorvatiya.
“G” guruhi: Braziliya, Serbiya, Shveysariya, Kamerun.
“H” guruhi: Portugaliya, Gana, Urugvay, Janubiy Koreya.
Qoidaga ko‘ra, har bir guruhda dastlabki ikki pog‘onani egallagan terma jamoalar g‘oliblik uchun kurashni davom ettiradi.
Xalqaro olimpiya qo‘mitasi – Qatardagi jahon chempionatini o‘tkazib yuboradigan mashhur futbolchilar o‘nligini e’lon qildi. Mundialni tomoshabin sifatida kuzatadigan yulduzlar qatoriga O‘zbekiston milliy terma jamoasi va “Roma” hujumchisi Eldor Shomurodov ham kiritildi.
Ushbu o‘nlik quyidagicha ko‘rinish oldi:
1. Erling Xoland (Norvegiya, “Manchester Siti”)
2. Zlatan Ibrohimovich (Shvetsiya, “Milan”)
3. Paulo Dibala (Argentina, “Roma”, jarohat)
4. Muhammad Saloh ( Misr, “Liverpul”)
5. Luis Diaz (Kolumbiya, “Liverpul”, jarohat)
6. Viktor Osimxen (Nigeriya, “Napoli”)
7. Martin Edegor (Norvegiya, “Arsenal”)
8. Eldor Shomurodov (O‘zbekiston, “Roma”)
9. Riyad Mahrez (Jazoir, “Manchester Siti”)
10. Janluiji Donnarumma (Italiya, PSJ)
Ta’kidlash joizki, Eldor Shomurodov Lionel Messi bilan 2022 yilda o‘z mamlakati terma jamoasi uchun eng ko‘p gol urgan o‘yinchilar hisoblanadi. Har ikki to‘purar hisobida o‘ntadan gol bor.
Shomurodov bu yil Shvetsiya, Qirg‘iziston, Kosta-Rikaga bittadan, Janubiy Sudanga ikkita, Uganda va Maldiv orollari terma jamoasi darvozasiga uchtadan to‘p kiritdi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Donald Tramp 27 yoshli Karolin Levittni Oq uy matbuot kotibi etib tayinlamoqchi
Apple dongdor ikki ayfonini rasman eskirgan deb e’lon qildi
AQSH Isroilning ikki vaziriga sanksiya qo‘llamoqchi
AQSH harbiylari orasida o‘z joniga qasd qilish ko‘paydi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Endi operatsiyadan so‘ng kesmalar o‘rni ikki barobar tezroq bitishi mumkin
